أنا جربت حاجات كتير زى مستر ماسل
و الخل مع البيكربونات
و ملح الليمون
كلها حاجات حلوة و بتنضف
لكن مش بتدينى النتيجة اللى أنا عايزاها و مش بنضف بسرعة بيها
يعنى لازم أقعد أدعك و ايدى توجعنى
لحد ما جربت الشىء المذهل
السيبيداج
و دة بتجيبيه من عند بتاع البويات و الأسمنت و الرمله و الحاجات دى
الكيلو بنص جنيه أو بجنيه حسب البياع
و دة أصلا بيستخدموه النقاشين فى عمل طبقة
المعجون للحيطة بدل المعجون الجاهز لأنه ثمنه غالى
و بيضيفوا عليه زيت و بس و بيستخدموه
و بالتالى دة ما لوش أى ضرر و لا ريحة نفاذة
بتاخدى شوية على قد استخدامك
و تضيفى عليهم خل يعنى بتخففيه بالخل و بلاش ميه
خالص لأنها بتقلل مفعوله أنا جربت بالمية و ما لقتش
نفس نتيجة التخفيف بالخل بس
حيعمل تفاعل و فوران أول ما تحطى عليه
تحطى لحد ما تلا قيه بقى سائل شوية
و تضيفى عليه شوية صابون سائل من بتاع غسيل الأطباق
و قلبيه كويس
و بعدها و زعيه بالسلكة بتاعتك على البوتجاز
و الفرن و الحيطة اللى عليها دهون كتير
و أى حاجة عايزة تنضفيها حتى البانيو و الأحواض
حيبقى شكله عامل زى الطحينة
و سيبيه دقيقة كدة
و بعدين بمجرد ما تمررى السلك على الحاجة
حتلاقى الدهون بتطلع بكل سهولة
و الأحسن تستخدمى السلك دة
لأنه أقوى و بيعيش كتير و مش بيصدى
♥♥♥♥♥♥
بعد ما تطلعى الدهون
حتشيلى الأول بفوطة ناشفة
و بعدها بفوطة مبلولة
و اتفرجى على اللمعة اللى ما حصلتش
حتى الأركان الصعبة فى البوتجاز حتطلع بكل سهولة
و الحيطة اللى جنب البوتجاز و كانت بتاخد يوم علشان
تتنضف بقيت بعملها فى دقايق و أنا واقفة
يا ريت بس تدعوا لى و أنا تحت أمركم فى أى سؤال
يسلموووووووووووووووووووووو
هما احسن حاجة