طريقة عمل بسكوت العيد بالصور المقرمش بالبكينج بودر بدون نشادر بطعم البرتقال او اي طعم ,طريقة عمل بسكوت العيد بالصور خطوة خطوة البسكويت المقرمش بالبكينج بودر بدون نشادر
المقادير
7 ونصف كوب دقيق = كيلو دقيق + نص كوب دقيق
معلقة كبيرة ونصف بكينج بودر
كوبين سكر بودرة
4 بيضات كبيرة
كوب زبدة طرية + ربع كوب زيت
نصف كوب مية ندوب فيها معلقتين كبار بودرة عصير تانج بنكهة البرتقال
1 و 1/2 معلقة كبيرة بشر برتقال
ربع معلقة صغيرة فانيلا
ربع معلقة صغيرة ملح
(بامكانك استبدال بشر البرتقال وبودرة عصير التانج بجوز الهند وروح جوز الهند او اي نكهة او طعم تحبين)
الطريقة
اسهل مايكون بسم الله
نحط الزبدة الطرية زي كده في بولة مع الزيت
ونخفق لمدة 5 دقايق لغاية ماا لون الزبدة يبيض زي كده
والفرق يكون واضح بين الزبدة الصفرا بدون خفق وبين الزبدة اللي خفقناها زي الصورة
وبعدين نحط السكر البودرة ونخفق لمدة دقيقتين بسسس
وبعدين الاربع بيضااات ونخفق دقيقة واحدة عشان بس يختلط مع الزبدة والسكر
وده شكل الخليط بعد خفق البيض مع الزبدة والسكر بفضل الله ناعم وكريمي وابيض جمييييييل
وآخر حاجة نحط بامر الله الدقيق مع البكينج بودر وبشر البرتقال وندوب كيس بودرة تانج بالبرتقال
في نص كوب مية ونحطه مع الدقيق ونعجن
ونعجن كل المكونات بايدينا كويس اوووووي مع العصير وكله كله
ونعجن لمدة 5 دقايق عشان العجينة تتشرب كل الدقيق والسااايل والزبدة
وده شكل عجينة البسكوت بعد العجن وباين فيها بشر البرتقال بفضل الله
وعجينة البسكوت عشان تكون ناجحة ان شاء الله لما نمسكها بايدينا تكون بتلزق بسييط في ايدينا زي كده
ده اسااااااااسي انها تلزق بسيييط اوووي بايدينا زي كده
عشان مايكونش البسكوت ناشف او زي الحجر ويكون هش ان شاء الله
ونحط بايدينا معلقة كبيرة زيت زي كده ونمسح بيها العجينة عشان مش تنشف
وده شكل العجينة بعد ماااا مسحناها بالزيت بفضل الله
ونجيب المكنة بتاعتن سواء يدوية او بالكهربااا
ونركبها في اي ترابيزة في المطبخ زي كده ونملاها بالعجينة اللذييييييذة بسم الله ونحط جنبنا الصواني
عشان نقطع ونحط بالصينية على طوووووول
وندهن الصواني زيت بسيط اوووي بسسس
ونركب الاشكااااال بتاعة المكنة ونختار اي شكل نحبه
لو بنحب البسكوت الرفيع او التخين بس طبعا البسكوت الرفيع ليه ميزة رااااائعة
انه بيعمل كمية عجينة كتيييييييرة اوووي لانه رفيع
اما لو عملنا بسكوت تخين بياخد عجينة كتيييرة وبيبقى سميك وبالتااالي مش بيدينا كمية كبيييرة
وندور المكنة وناخد كل بسكوتة بايدينا زي كده ونقطعها حسب الطول اللي نحبه لو طويييل او قصير
والشكل اللي فوووق بالمكنة بيعمل الشكل العادي ده السااااادة في الصينية
ولو مش عاجبنا نقدر نلفلفه حوالين بعضه نلولوه زي كده
بيدي شكل جميييل اوووي لما بيستوي البسكوت ان شاء الله
وده شكل البسكوت بالشكل اللي فووق في المكنة بس لما نلفه حوالين بعضه زي كده
بيبقى جميييل اووووي ان شاء الله
وهكذا نكمل الصواني بنفس الطريقة وباي شكل بنحبه طبعا
ولو حابين شكل عريض بس مش عايزينه يكون عريض اووووووي
نحط الشكل نصه جوه المكنة ونصه بره زي الصورة
عشان يطلع سمك البسكوت متوسط مش سميك اووي ولا رفيع اووووي
وده شكل البسكوت لما بنحط نص الشكل جوه المكنة والنص التاني بره
طريقة التسوية في الفرن
نسخن الفرن حرارة 160 الى 170 حرارة هادية عشان البسكوت مش بيتحمل حرارة عالية
ونشغل النار من تحت بسسسسس
وندخل صواني البسكوت صينيتن تحت وصينيتين فووووق
ولما تستوي الصواني اللي تحت وقاعدة البسكوت يبقى لونها دهبي
نبدل الصواني اللي تحت نطلعها فووووق واللي فووق ننزلهم تحت عشان ياخدوا لون دهبي
برده من قاعدتهم ولما كل البسكوت يبقى لونه دهبي من تحت
نشغل الشواية عشان البسكوت يبقى الصوابع لونها دهبي فاااتح جمييييل
ولما يستوي نطلعه من الفرن ونسيبه يهدى 10 دقايق كده ونبدأ نشيله من الصوااني
في اي مصفاة على بااااال مانخلص كل كمية البسكوت
ولما نحب نحفظ البسكوت نحفظه في اي وعاء له غطا عشان يحافظ على قرمشته
يعني حلة مقفولة كويس او علب بلاستيك مقفولة كويس لو حابين
وده شكل البسكوت لما طلع من الفرن بفضل الله لونه دهبي من كل الجهات
تسلم ايدك
بس ياريت تكتبى جمب الموضوع انه منقول