حتنورينا بموضوع في قسم العروس تعالي هنا الاول مهم جدا
السلام عليكم يا قمرات
شرفتونا و نورتنونا في قسم العروسة
اهلا بيكم
نظرا لان في الفترة الاخيرة لاحظنا وجود مواضيع مكانها مش قسم العروسة حبينا بس نوضحلكم القسم هنا مختص باية
اولا : قسم نصائح و ترتيبات :
ده خاص فقط بترتيبات الزفاف ( الكوشة , الجيست بوك , افكار يمكن تنفيذها في حفل الزفاف , ديكور قاعة الزفاف و كل مايلزم الزفاف , جهاز العروسة , طريقة فرش بيت العروسة و ما شابه ذلك )
اما النصاائح الخاصة بالبشرة و الشعر و الحياة الزوجية
مكانها يا قمر مش هنا انما مكانها
– العناية والجمال
– الحياة الزوجية والاسرية
او اي قسم اخر يناسب محتوي الموضوع
ثانيا : قسم الاكسسوارات
ده مختص باكسسوارات يوم الزفاف فقط فقط فقط
و اي اكسسوارات تانية مكانها
-اناقة موضة ازياء وملابس
يعني لازم تكون الاكسسوارات تنفع تتلبس في الزفاف او الخطوبة و دي بتفرق طبعا عن غيرها
كمان هنا بنحط طرحة العروسة و اي ملحقات خاصة بيوم الفرح ( تاج , شوز الفرح, بوكية الورد , اي اكسسوار خاص بالعروس )
ثالثا : قسم فساتين الفرح و الخطوبة
ده واضح من اسمه فساتين الزفاف و الخطوبة فقط السهرة مكانها
-اناقة موضة ازياء وملابس
و دى تنبيهات اداريه خاصه بقسم العروس باقسامه الفرعية ياريت نلتزم بيها عشان محدش يزعل مننا نضطر لاغلاق الموضوع او نقله
– يجب ان تكون الصور مطموسه ( الوجة و اليدين و الرجلين لو الفستان قصير ) و الا سيتم حذف الصور المخالفة او اغلاق الموضوع بالكامل و معاكي يوم كامل فيه للتنبيه بعد كدة حنقفل موضوعك من غير انذار تاني
– المسابقات تكون بالتنسيق مع ادارايات القسم و المنتدي
– ممنوع عمل اعلان للبيع او اي خدمات هنا في القسم لانه خاص فقط بالعرض للفائدة مش اكتر
– يجب الا تقل عدد الصور في الموضوع الواحد عن 5 صور و الا حنقفل موضوعك
– يجب ان تكون المواضيع ذات محتوي مفيد مش كلمتين و خلاص حتي لو بتفتحي مجال للمناقشة
– لو ناقلة موضوع ارجوووكي تكتبي انه منقول و لو حصري ( انت الي مجمعة الصور من المواقع مش من المنتديات ) اكتبيلنا انه حصري و ده بيفيد الموضوع انه يبقي مميز
-الافضل رفع الصور من مركز الرفع الخاص بالمنتدي
و ده الرابط بتاعه
– يجب ان تكون عناوين المواضيع واضحة تعبر عن محتوي الموضوع
انا كدة خلصت يارب اكون خفيفة عليكم و اتمني منكم الالتزام بالشروط السابقة عشان محدش يزعل مننا و عشان نرتقي بالقسم
اتوجه بالشكر لزميلاتي اداريات القسم
و ادارة المنتدي
ريموووو و هبة شلبي
في امان الله يا بنات
اتمنى الكل يلتزم بيها
موفقين يابنات
شكرا لمشرفات القسم على المجهود الدائم والمميز
