السلام عليكم ورحمه الله وبركاته
اولا
مقادير العجينه
دقيق ابيض
ملح
ميه
ثانيا
مقادير اللحمه
نصف كيلو لحمه
بصله
فصان ثوم
ملح وفلفل اسود وبهار لحم
وقرنفل
الطريقه
نقوم بتقطيع البصل الثوم ووضعهم في حله علي النار والفلفل الاسود ثم نضع اللحمه والنهار والملح ونسويها
العجينه
نضع الدقيق بعد نخله في حله والملح والمياه
وتعجني والعجينه تكون حلوه كده مش طريه وتعجني كتير عشان وانتي بتفرديها ما تتقطعش
وتقطعيها قطع صغيره وتسيبيها قد نص ساعه
وبعدين نفرد وحده وحده ونخليها رقيقه خالص
ونحطها في صنيه في الفرن تستوي
ونخلصهم كلهم وحده وحده
وبعدين نغلي شوربه او ميا بملح وبعدين نبل الرقاق وحده وحده ونطلعها علي صنيه
ونجهز صنيه الفرن وندهنها سمنه بلدي او زبده لازم ونقلب الرقاق وناخد منها وحده ونحطها في الصنيه وبعدين نرش سمنا ونحط غيرها وبعدين سمنه لحد نص الكميه وبعدين بضع اللحمه وطبعا احنا جهزنا اللحمه
ونكمل الرقاق وبين كل وحده لازم سمنه وخلاصنا نحط علي اخر وحده سمنه وبعدين في الاخر نرش علي الوش لبن وعلي الحروف
عشان ما تنشفش وندخلها الفرن مش هتاخد وقت كتير اقل من نصف ساعه وعلي درجه حراره متوسطه 180 درجه وتبصي عليها كل شويه لحد ما تتشرب السمنه واللبن ووشها يحمر
ايه رايكم
يارب تعجبكم
ماشاء الله شكله يفتح النفس
واحل تقييم لعيونك
|
الله يسعدك حبيبتي نورتيني
|
ربنا يخليكي ياقمر نورتيني
