كراتان بنكهة البيتزا روعة 2024

ليوم جبت لكم شهيوة غزاااااااالة الى جربتوها غادي تعتمدوها نبدا على بركة الله

بطاطا حسب عدد اافراد الاسرة و حسب المول المستعمل انا عملت مولات فردية نقي بطاطا ونقطعها نصلقها في ماء مملح بعدما تصلق نصفيها ونمعكها مع 3 فروماجات متلثات و 1 بيضة و زعتر.

نوجد لاصوص مطيشة عادية بحال دلبيتزا منسمة بالزعتر

وفي مقلة نشحر بصلة مقطعة مع فرع توم ونضيف الكفتة و التوابل ملح ابزار كمون والربيع

ناخد مول ندهنو بالزبدة نحط بطاطا كطبقة اولى تم صوص طوماط و الكفتة واخيرا مودزريلا او فروماج احمر محكوك وندخلها للفرن منقولكمش شحال كتجي بنينة