لازم تهتمي بقدميك زى ايديكي بالظبط لان انتى واقفة على رجلك طول النهار ودايما هتلاقى رجلك مرهقة وجافة وفيها تشققات
الوصفة1
لاراحة القدم
هتعملي حمام ماء لرجليكي وتحطي 5 نقط زيت لافندر و5 نقط زيت الليمون وبعد كده تعملي سكرب لرجلك بملح الحليب وتدهنيها بزيت الزيتون
الوصفة2
للتخلص من التشققات
هتدهني رجلك طبقة كثيفة من الفازلين وتلبسي كيس نايلون لمدة ساعة وبعد كده تعملي سكرب بشوية سكر خشن وتغسلي رجلك وتدهنيها بفازلين وتحطي نقطة دم غزال عشان رجليكي تاخد لون حلو
الوصفة 3
للخشونة
هتعملى حمام ماء لرجلك وتحطى شوية نعناع مجفف ومعلقة ملح وتستنى ربع ساعة وتشطفى رجلك وتنشفيها وتدهنى رجلك بزيت الزيتون
الوصفة 4
لتورم القدمين
حمام مائي لرجلك وتضيفي معلقتين من زيت البابوج ومعلقة زيت لافندر وتشطفى رجلك وتنشفيها وتدهنيها زيت لوز
تعطير القدم
مكعب مسك مطحون وتخليه زى البودرة وتضيفي ليه زيت اللافندر او الكاموميل اواى زيت عطري بس نقطتين بس عشان بس ريحة المسك تختلط بالزيت العطري وتحطى الخليط فعلبة بودرة ورشي عالقدمين يوميا
|
نورتي يا حبيبتي