تعالى اعملى جل طبيعى ببذور الكتان صحى للشعر ويرطبه وينعمه كمان ومفيهوش ضرر الجل الكيميائى كله طبيعى
انا مجربة الجل ده بس من غير مواد حافظه كنت بستخدمه فى نفس اليوم أو اضعه فى الثلاجة يتحفظ فيها لمدة اسبوع ومع المواد الحافظة مدته اطول من كده ويمكن إضافة مكونات إضافية لتخصيصه لتلبية احتياجات معينة من شعرك
صورة لبذور الكتان
قبل ما تعملى الجل تعالى اقولك على شوية فوايد لبذور الكتان للشعر
منع تساقط الشعر, تشجيع نمو الشعر, علاج مشاكل فروة الرأس
الطريقة
نقع بزور الكتان من الليل الى الصباح وده بيزود الهلام، ويقلل من وقت الطهي. (هذه الخطوة اختيارية).
وضع بزور الكتان مع الماء فى حلة من الاستانلس ويحرك المزيج برفق وباستمرار وعند الغليان نخفض درجة الحرارة الى المتوسط بعدها تصفى الهلام فى قماشة نظيفة
اضافة المواد الحافظة بعد ان يبرد الجل واضافة الزيوت كذلك بعدما يبرد يقلب جيدا لتختلط المكونات جيدا ولتفريق أي كتل ليكون شكل الشجل زى بياض البيض تضعيه فى برطمان زجاج محكم الغلق ويكون البرطمان معقم بغليه فى الماء وتنشيفه جيدا بالحرارة كحرارة الفرن او قطعة نظيفة من القماش ويخزن فى الثلاجة في الثلاجة لمدة الصلاحية القصوى
عند استخدامه لابد من استخدام كمية وفيرة على الشعر وتسريحه وتركه ليجف بدون ان تلمسيه بعد جفافه
ودى وصفتين للجل
وصفة 1
1/ 3 كوب بذور الكتان
2 كوب ماء
1/ 2 ملعقة عسل
1/ 3 ملعقة صغيرة حمض الليمون (مادة حافظة)
15 قطرات زيت اليوسفي
وصفة 2
2 ملعقة طعام بذور الكتان الذهبي
1 كوب الماء المقطر
1/ 4 ملعقة صغيرة من حمض الليمون (مادة حافظة)
5 قطرات من الزيت العطري (اختيار العطر الخاص بيكى)
5 قطرات من الزيت العطري القرنفل (مضاد للجراثيم)
وعايزة الردود تنزل عليا زى المطر 
|
مشكورة على مرورك ونتمنى الاستفادة للجميع