التصنيف: من مطبخي

مبروك التكريم

الصيف طالع يا عدولات
ولازما نبتكر فى اكلاتنا وحلويتنا باللى يناسب الجو

عملت امبارح تورته جيلى

بصوا مقادير الكيكه اى كيكه معنمده عندك او مقادير تورته اى حاجه يعنى الجيلى مش هيقول لاء

شوفوا المقادير :

بصوا يا قمرات
لو عاوزين الكيكه تطلع لونها دهبى من تحت
هتدهنوا الصينيه زبده وتبطنوها بسكر بودره
ماشى

نصب الخليط فى صنيتين او صينيه واحده
وندخلها الفرن

. نعمل الجيلى باكو الجيلى عليه معلقتين سكر وكوب وربع ماء بس ( مش كوبيتين علشان احنا عاوزينه تقيل )

. نصب الجيلى فى الصينيه وندخله التلاجه لمدة ساعة او اقل لحد ما يجمد ( علشان تقيل هيجمد بسرعه )

. لما الكيك يطلع من الفرن نسيبه يبرد شويه

. نطلع الجيلى من التلاجه بعد مااتجمد
تحطى عليه اول طبقة كيك وهو فى الصينيه
وتسقيها جيلى ونحط الحشوه بتاعتنا ( مربى او كريم شانتيه او الاتنين مع بعض)
وبعدين تحطى تانى طبقة كيك وبعدين تسقى جيلى برضه و وندخلها التلاجه لمدة لا تقل عن 5 ساعات علشان الطبقات كلها تتماسك
وبعدين لما تطلعيها تمشى الصينيه فى السريع على نار البوتجاز علشان الجيلى يسيب الصينيه وتقلبيها وهتبقه بالشكل ده
الجيلى الاول والكيك تحت

تم التكريم