اول اسبوع في الاجازة هو الاسبوع الذهبي اللي هتقدري تحطي فيه نظام الاجازة كله .
– ابدأي النظام اللي هتحطيه في الاجازة من اول يوم وخلي عندك اصرار وبلاش تقولي طيب اسيبهم يستريحوا من تعب الامتحانات.
– اخطر حاجة ممكن تخافي منها على اولادك هي الفراغ وعدم النظام .
– ارفضي السهر المبالغ فيه , ممكن نأخر معاد نومنا ساعتين تلاتة بالكتير لكن مش معنى كده اننا هنسهر للصبح!
– قبل ما طفلك يبدأ يومه بنشاطاته اللي بيحبها "زي التلفزيون والكمبيوتر ولعبته وقصته المفضلة " لازم يكون أدى واجبته "زي فروض الصلاة -حفظ وقراءة ورده من القرءان -ترتيب غرفته- وضع جدول او خطة للحاجات اللي ناوي يعملها النهاردة " والحاجات دي مفيش فيها نقاش.
– افتكري ان من مصلحة طفلك ان الكمبيوتر لا يزيد عن ساعة يومية وكذلك التلفزيون من 1 الى 2 ساعة يوميا فقط و اتناقشي معه و اتفقي معه ان ده هيكون النظام ان شاء الله.
– من حقك كأم وكذلك من حق طفلك انكم تقضوا وقت للعب او الحديث مع بعض وحددي وقت مناسب لكده هتفرق كتيير في علاقتكم ببعض.
– القي نظرة على مناهج السنة المقبلة وقومي بعمل رحلات للاماكن او نشاطات اللي ممكن تساعده السنة اللي جاية في فهم بعض الدروس "زي العلوم والدراسات الاجتماعية مثلا " من غير ما يحس ان ده له علاقة بالدراسة.
– طبعا مش هوصيكي بالرياضة .
– لو طفلك حس انك عندك اصرار على تنفيذ النظام ده , بعد كام يوم هتلاقيه بدأ يتبرمج اتوماتيك على النظام وهتقل المقاومة …… "وهتحسي انك انتصرتي اخيرا نيهاهاهاها
"
اجازة سعيدة اطفالي 
))
وفى حاجه مهمه جدا تعليق على
الموضوع دا طبعا لان لازم احنا
نحط لمستنا فى كل حاجة بنقدمها
علشان نوصلكم اكبر نسبه افاده
ممكنه ,ولاننا بنحاول قدر
الامكان نحط نفسنا مكانكم فى كل
شىء ونقدم الحل الكامل المناسب
لاغلب الحالات مش نقدم مجرد كلام
مكتوب نظرى وصعب يكون عملى
وعلشان كدا فى حاجه مهمه جدا
……….
علشان نطبق الكلام دا هتوااجهنا
مشكله كبيره ان اليوم هيكون
طويل جدا للطفل واكيد هيزهق
بمعنى انك هتخليه ساعتين مثلا
تليفزيون وساعه ولا اتنين
كمبيوتر وشويه هتتكلمى معاه
وشويه هياكل ويلعب مع اخواته
ممكن يبقى فى اوقات مش لاقى
حاجة يعملها فهيبتدى يزن عليكى
او يتشاقى فى البيت علشان
تخليه يقعد على الكمبيوتر ولا
تليفزيون وتخلصى من زنه وكمان
احنا بيوت بتفتح التليفزيون طول
النهار فاكيد مش هتتفرجى لوحدك
علشان كدا لازم تخلى ابنك يمارس
لعبه طبعا زى ماذكر فى الموضوع
وكمان جنب الرياضه يكون ليه
هوايه يعملها فى البيت وكمان
تعوديه يقرا تجبيله كتب شيقه
علشان يتعود على القرايه او مثلا
تخليه يساعدك فى البيت بس
بطريقه لطيفه مش تزهقيه وتحسسيه
انه الزام وتحسيسيه اد ايه
مساعده دى مهمه هيتعود على كدا
لحد لما يكبر وهيكوون انسان
متعاون وبيحس بالاخرين ولو بنت
هتبقى ست بت شاطره كمان يعنى
مثلا تعملوا نوع حلويات مع بعض
ينضف غرفته او يلمع ترابيزه اى
حاجة كدا وكمان لما يقوم بشؤنه
للشخصيه زى غرفته دولابه دا
هيديله احساس بالخصوصيه وتحمل
المسؤليه الايجابى فلازم يكون فى
حاجات تشاركيه فيها حتى انتى
هتلاقى يومك اتملى معاه وهتكونى
مستمتعه دا غير انه يفضل ينزل
ويغير جو ويحس انه فعلا فى
اجازه بس انتى بذكائك هتخليها
غنيه ومفيده مع انها مسليه
ويارب الموضوع يفيدكم .
الف شكر
رااااااااااااائع