النهارده جايبلكم طريقة فطاير سهله قوى
المقادير
نص كيلو دقيق
كيس خميره فوريه حوالى معلقه كبيره
م ص ملح
م ك سكر
3 م ك لبن بودر او كيس نيدو صغير
ربع كوب زيت دره
كوب مياه
نحط المقادير الجافه مع بعض ونخلط وبعدين نضيف الميه ونعجن ولما تلف العجينه ومتلزقش نحط الزيت ونعجن تانى لحد ما تتشرب وتبقى عجينه لينه نسيبها تخمر وبتكون بالشكل ده
نكورها كل كوره قد البيضه كده
نسيبها ترتاح شويه ونجهز الحشو انا عملته جبنه وطعم البيتزا عباره عن فلفل اخضر ولانشون بالبسطرمه وجبنه رومى وجبنه بيضه وممكن زتون بس مكنش عندى
وده الحشو
نشكلها بقى زى الصور هى هتشرح
شكل تانى
اما اللى بالبتزا عملتها على شكل الكرواسون
وبعدين نرصه فى الصينيه ونسيب مكان عشان الخمر ونسيبه حوالى ربع ساعه وبعدين ندهن الوش ببيضه معاها نقطتين خل عشان الزفاره
ندخلها الفرن فى الرف الوسطانى على 200 حوالى نص ساعه والوش يحمر نطلعها وبتكون كده
وتتاكل فطار او عشا مع كوباية شاى بلبن رووووعه هشه وطريه وطعمها جميل جدا
اتفضلومعانا
ودى كمان
امانه اللى تدخل الموضوع ترد ولو بكلمه والله دى تانى مره انزل الموضوووووع
ويا سلام لو تقيمووووووو
كده او كده
بحبكم فى الله
اوعوا تنسوا تقيمولي
