مساء الورد علي كل الحلوين
وبما انكم حلوين
عملت حلو مخصوص لمايا الدلوعة
نزلت واشتريت وفضلت اصور عشان عيونها الحلوة
بس مش هتاكل معايا يا حرام
هههههههههههه
جربوه سهل جدا ومش محتاج ولا فرن ولانار
وطعمه خرااااافة
هيعجبكوا جدا
المقادير
4 باكو بسكوت ميري
علبة قشطة بوك
2 ظرف كريم شانتيه
2 باكو كريم كراميل
كوب لبن
الطريقة
نكسر البسكوت بالطريقة دي
ونحطه في بايركس
وبعدين نضرب باقي المكونات
اللي هي 4 حاجات
الكريم شانتيه
والكريم كراميل
والقشطة
وكوباية اللبن
بالشكل ده
وبعدين نحط 3/4 الكمية علي البسكوت
ونسيب ال 1/4 للوجه
بالشكل ده
ونقلبه كده
وبعدين نحط الربع اللي سيبناه علي جنب فاكرينه
وبعد كده الكراميل اللي كان جوه الكريم كراميل نحطه علي الوش كده
وبشوكة تعمليه زجزاج
هيبقي ده شكله
وتسيبيها في التلاجة حوالي 4 ساعات عشان تتماسك
الطريقة مش بتاخد وقت خالص
حوالي ربع ساعة
وطعمها تحفة اتمني تجربوها
بالهنا والشفا
بس عايزة اشوفة بعد ماطلع من التلاجة