السلام عليكم ورحمة الله وبركاته
انا مخطوبه بقالي سنتين ونص وكنت مرتبطه بخطيبي ده قبل الخطوبه طول فتره الكليه
اتخرجنا مع بعض وبقينا دكاتره قصدي هو بقى دكتور وانا طبعا قعدني ف البيت
مشاكلي كتيييييييييييير اوووووي يارب تقدروا تساعدوني:
1- بقالنا مع بعض 9 سنين كلهم معاصي وذنوب انا والله مكنتش كده انا كنت كويسه بصلي واصوم واعرف ربنا الله ينتقم منه عرفني كل حاجه وكلمني في كل حاجه وجرب فيا كل حاجه.
2- بيذلني وبيبهدلني وبيشتمني وبيهزأني ادام اهله وادام صحابه مبيشغلوش حد.
3- بيشرب كل أنواع المخدرات حشيش بانجو برشام .
4- بيمثل على اهلي انه بيحبهم وبيحترمهم ومن وراهم بيعلق على كل حاجه في بيتنا. وبيتدخل في خصوصياتنا ف البيت .
5- شغله كله مع بنات تمريض ومريضات واشكال مايعلم بيها الا ربنا ومعجب بنفسه وبشكله وبعربيته وهو أصلا شكله عادي جداااااااااا يمكن اقل من العادي.
6- عنده كمية بنات ع الفيس بوك لا تحصى وبيتعرف وبيتكلم معاهم في عيني وأدامي وابسط رد يقوله لو زعلت أذا كان عاجبك مش كويس اني بعمل كده في عينك مش من وراكي. بمعنى اصح (بيموت ف حاجه اسمها ستات بيبص على اجسامهم ف الخباثه بطريقه بشعه)
7-لو مامته او باباه زعلوه ف حاجه يشتكيلي ويفضل يدعي عليهم ان ربنا ياخدهم علشان يورثهم ويشتري عربيه جديده وشقه مش عارف فين . يشتم الفاظ وحشه على أخواته البنات لو زعلوه ويسب بالدين عادي مفيش مشاكل.
8- ميسور ماديا شقته موجوده بيشطب فيها بقاله سنتين ممرمطني وممرمط اهلي معاه بيحسسني انه بياخد رايي ادام ابويا ومن وراه يديني بالجزمه ويعمل اللي على مزاجه ف الشقه .
9- مكناش محددين معاد جواز على اساس كنا لسه متخرجين وكان مفروض هايكمل ماجستير وسقط فيه وكان لسه جيش وأخد تأجيل ودلوقتي بيشتغل وبرده مش راضي
يخلص الشقه ويحدد عمال يراوغ ويلاوع مع اهلي ومش مرسيهم على بر.
10 – مش بيجي يزورنا غير ف المناسبات اذا جه يعني ممكن يقعد بالشهور ميجيش البيت مع انه ساكن جنبنا .
11- وقت مايجيله مزاج ويكون فاضي طبعا يبقى عاوز يشوفني ويقضى وقت جميل
وطبعا انا زي الجزمه بوافق ياما يعاملني اقذر معامله ويهيني ويعايرني ويشك فيا كمان ان في حد في حياتي وبعرفه من وراه.
12-علاقتي بأهله بتبقى كويسه اوقات واحيانا هو ممكن يوقع بيني وبين مامته لما بيلاقيني متصاحبه معاها.
13- بحس انه مريض نفسي واوقات بيصعب عليا لانه اوقات ممكن يعيط نفسه يتغير ونفسه يبقى كويس نفسه يرجع مؤدب نفسه يصلي نفسه يبطل الحرام ( ويمكن ده سبب من الاسباب اللي مخلياني مستنيه عليه وساكته)
كل الحاجات اللي أنا قلتها دي والله ماتيجي صفر ع الشمال من اللي بيحصل معايا بسببه بس انا مش هقدر أكتب اكتر من كده علشان عرفه ان المشرفه هتمسحه
مشكلتي الاساسيه دلوقتي انه عايز يسبني باي شكل وانا متمسكه بيه طبعا
مش علشان بحبه ولا زفت بس علشان هو ******** من 8 سنين وللاسف حصل حمل أكتر من مره وكنت بجهض نفسي والله اعلم هاخلف تاني ولا لأ
انا مستحمله فوق طاقة اي بني أدم وصابره علشان عارفه اني غلطت ونفسي ربنا يسترني ومتفضحش ادام اهلي
ابويا اللي ملوش ذنب غير انه واثق فيا وفيه ملوش ذنب غير انه بيعملي كل اللي بطلبه في جهازي
عارفين لو اشتريت حاجه ومش عجبت خطيبي ده بابا بيغيرهالي ويقولي علشان اشرفك ادام اهل خطيبك ميعرفش اني انا لو خطيبي ده سبني هتفضح ..
انا بعد مابطلت الذنب ده وانا مش بعمل حاجه غير اني اعيط وادعي ربنا يسترني
وادعي اني اتجوز واتلم
أنا بمووووووت يانااااس ربنا غضبان عليا انا عارفه انا المفروض يقام عليا الحد
انا نفسي امووووت وارتاح واريح اهلي من عاري ده نفسي اتوب توبه صادقه وبعدها اموووووووت نفسي ربنا بغفرلي كل ذنوبي اللي كانت معاه هو وبس نفسي ارتاح من الدنيا دي (ادعولي ربنا يقبض روحي الايام دي ويقبلني الاول )
انا تعبببببببت من ذله ليا علشان ماسكني من ايديا اللي بتوجعني
ودايما يقولي انا اللي ف ايدي افضحك وعنده ليا صور بيذلني بيها
حتى لو سبته قالي هفضحك ومش هتتجوزي حد وتعيشي طول عمرك مكسوره
قالي انتي سافله وسهله وأأأأأأأأأأأأأااه من كلمة سهله قالي اني رخيصه وقالي اني غلطة حياته وللاسف لازم يصلحها( قالي لو اتجوزتك هتجوز عليكي ) قالي( خدي فلوس واعملي عمليه وريحيني من قرفك وهمك اللي شايله )
شايفين الذللللل اللي انا فيه
وانا بعيطله واقوله معلش نتجوز وخلاص ومش هتكلم وهابقى زيي زي رجل الكرسي
في البيت مش هتناقش معاك ولا عمري هاطلب منك اي حقوق وهصرف على نفسي كمان.. بس استرني … بيكون رده ..( ده كلام بس )
انا مش عارفه اعمل ايه انا مستحمله ده كله علشان ربنا يسترني وعلشان ابويا عيان
ومش هيستحمل اني افسخ خطوبتي بعد كل ده
الناس بتسأل ومستغربه احنا ليه مخطوبين المده دي وهو معاه فلوس ومرتاح وانا بابا خلص جهازي ومش ناقصني حاجه مش عارفين نقول للناس ايه الحجج كلها خلصت ميعرفوش انه بيتهرب مني كل شويه ميعرفوش انه بيذلني وبيهني
ميعرفوش اني ياما اتحيالت علشان نكتب الكتاب ومكنش بيرضى
ولما رضى بعد ماقالي هاطلقك بعدها ومش هديكي حاجه ابويا مرضيش
وقاله انت مش ناقصك حاجه اتجوز على طول
قولولي ياناس اعمل ايه
ادعولي ربنا يهديه ويتجوزني علشان متفضحش
وادعولي ربنا يصبرني ع الهم والنكد اللي انا فيه بسبب خطيبي ده ومعيشه اهلي اللي ملهمش ذنب فيه .
ادعولي او ادعو عليا بس المهم متسبونيش كده علشان انا خايفه وجسمي كله بيتنفض
انا بحب ابويا اوووووووي ده اغلى حاجه في حياتي ونفسه افرحه ونفسي ارفع راسه
بابا عياااااااااان ادعوله بالله عليكم يخف من مرضه ويخليهولي ويفرح باخواتي بلاش أنا
اسفه لو طولت غصب عني
ياريت الادراه متحذفش اي كلمه علشان الناس تفهمني انا والله مش قصدي
مجاهره بمعصيه بس حابه تعرفوا كل حاجه بالظبط وتساعدوني بأرائكم
جزاكم الله كل خير
بصى يا ايمان
انا رائيى انها
تستغفر ربها قل للذين اسرفوا على
انفسهم ان لايقنطوا من رحمة الله
ادخلى يايمان الموقعدة
وخليها ترجع لربنا
وتتوب وهوة هيحلها لها
وانا رائيى تسيبة
وتعيش مكسورة وتيبة
احسن مايخليها ترتكب جناية بعد كدة
حبيبتى التواصل يتم عن طريق الرسائل فقط
|
مشكورة على الرد الجميل
القصة انا لقيتها في مدونة وماتقدريش تردي الا لما تشتركي وبصراحة انا ماحبيت اشترك في منتدايات اخرة غير عدلات بس لما قراءت الردود على الموضوع كلهن طلبن منها التوب وانها تركة وان شاء الله ربي يهدي الجميع ويستر على الجميع
واكرر شكري لكي حبيبتي