كان ياما كان يا سادة يا كرام ولا يحلا الكلام الا بذكر النبى
عليه الصلاة والسلام
العنوان ده عن ولد اسمو طارق مغرور ومش بيحب حد وكمان بيكره يشوف حد ناجح
وكان ليه زميل اسمو على ولد مؤدب والكل بيحبو وكمان شاطر
وكان طارق مش بيحب على
لكن على قلبو طيب وبيحب كل الناس
وفى يوم دخل مدرس الفصل وطلب من الولاد رسومات عشان هايعمل مسابقة وصاحب أجمل رسمة هوا اللى هاياخد جايزة
طارق قال "أنا اللى لازم آخد الجايزة بأى طريقة"
على بدأ بسرعة فى رسم لوحة جميلة
وبكل براءة راح لطارق وقالو "إيه رأيك فى رسمتى؟"
طارق بص على الرسمة وبرق بعينيه وقال "مش بطالة"
وبعد ما مشى على قال فى سرو: "رسمة على ابن الإيه جميلة وشكلو هوا اللى هاياخد الجايزة.. بس أبدا مش هاديلو الفرصة دى أبدا"
وفضل طارق مستنى أى فرصة عشان على يبعد عن أدواتو ويبوظلو الرسمة
وجات اللحظة اللى مستنيها طارق وعلى كان بعيد عن أدواتو
وبسرعة طارق مسك الألوان وبوظ رسمة على
وخد نفس وقال "أخيرا على مش هاياخد الجايزة ولازم اخدها أنا"
ودخل المدرس وطلب الرسومات
وعلى جرى على المدرس وهوا فرحان وادالو الكراسةمبسوطة
وطارق جرى على المدرس وهوا فرحان وادالو الكراسةمبسوطة
وفتح المدرس كراسة على وقال "أنا عارف ان على فنان اما نشوف على راسم ايه؟"
وبيبص لقا الرسم متلغبط خالص
بص لعلى وقالو "ليه كدة يا على؟ انا متوقعتش منك ده خالص
وفتح كراسة طارق وقال "رسمة معقولة"
طارق اللى يستحق الجايزة ياولاد
فرح طارق سعيد قوي
وعلى زعل جدا وهوا مش عارف ايه اللى حصل لرسمتو؟!زعلانة و باعيط
وخلص اليوم
وطارق مروح فرحان
وفجأة رجلو اتلوت ووقع عليها وحاول يقوم مش قادر
فضل يصرخ يصرخمخضوضة
وعلى كان ماشى فى نفس الطريق وسمع الصراخ
جرى على وقال "سلامتك يا طارق تعالى اتسند عليا"
وعلى سند طارق وهوا خايف عليه جدا وبيحاول يخفف من ألام طارق
وقتها طارق حس بالذنب وقعد يعيط وقال لعلى "أنا عايز اعترفلك انى انا اللى بوظت رسمتك وياريت تسامحنى انت أحسن منى يا على"
على قال: "لأ يا طارق انت كمان ولد كويس علشان حسيت بخطأك"
وراحو المدرسة تانى يوم وأول حاجة عملها طارق انو قال للمدرس على اللى حصل بالظبط
والمدرس فرح بعلى وشهامتو مع طارق وكمان فرح بطارق وتصحيحو للخطأ اللى عملو واتقاسمو الجايزة سوا
وتوتة توتة فرغت الحدوتة
