النهاردة هقولكم على طريقة جميلة نستفيد بها
من بقايا الصابون الريحة
انتي بتعملى ايه لما الصابونة تصغر فى الحجم؟؟؟
البعض بيرمى بقايا الصابون
البعض بيجمعهم تانى بس بتتكسر بردوا
والبعض بيضعهم فى الغسالة مع الملابس
ياترى بتعملى ايه بيهم؟؟؟؟
دى وصفة مجربة
أنا عملتها وجميلة قوى
أنا قرأتها فى أحد المجموعات على الفيس من أحد الأخوات ربنا يبارك فيها
الطريقة
انك بتحولى قطع الصابون الى مش عارفة تستفيدى منها إلى صابون سائل لغسل اليدين يسهل استخدامه
بتحضرى علبة صابون سائل فارغة من الى بتستخدميها فى غسيل الأطباق أو لو عندك أى عبوة شامبو أو غيرها
تضعى فيها قطع الصابون
وتضعى عليه كمية من الماء الدافى مش كتير
واغلقى العلبة ورجيها الى ان يذوب الصابون
وممكن تتركيها يوم او بعض ساعات لما الصابون يذوب
وممكن تذيبى الصابون بماء ساخن فى الخارج فى طبق ثم لما يبرد تفرغيه فى العبوة
الأسهل لك اعمليه
ممكن تضيفى لها بعض الاضافات
زى قليل من الجليسرين وعصير ليمونة
وطبعا النسب بتكون بتقديرك انتى حسب كمية الصابون الى انتي استخدمتيه
اهم حاجة مكتريش الماء
لاننا عاوزينه ثقيل علشان لما نستخدمه ينظف اليدين
وقبل الاستخدام يفضل انك ترجى العبوة
وبكدا تكونى استفدى من بقايا الصابون بل حولتيه لصابون سائل ممكن تستخدميه لغسيل اليدين أو غسيل الوجه
ويا سلام بقى لما بيكون قطع الصابون لها روائح مختلفة بتبقى عملتى مزيج حلو
وممكن تضعى العبوة دى على حوض المطبخ علشان
تسهل عليكي غسيل يديكى
والأحسن اعملى كمية صغيرة
ولما تخلص اعملى غيرها
]
|
ان شاء الله تعجبك
|
شكر الله لك حبيبتى