الموضوع ده اللى هون ايه بقى صلوا بينا على حبيبنا المصطفى
صلى الله عليه وسلم
كفاية رغى بقى مع انى مش رغايه اطلاقا مطلقا البتة واكيد انتوا ملاحظين كده
سمعكى يا اللى بتقول فى سرك ده انتى رغاية جدا
المهم
الموضوع ده عن فترة الحيض وازاى تبقى ليدى وشيك وتتعاملى ازاى فى الفترة دى مع نفسك ومع الناس
اولا _ ريحتك لازم تبقى حلوة جدا لو انتى فى البيت استخدمى المسك والغسولات اللى ريحتها قوية والفوطة تتغير كل 4 ساعات بالكتير والملابس والبانتى يكون قطن ويفضل الغوامق
وهنا بقى فى حاجتين لو انتى بنوتة محدش يعرف خالص انتى عارفة ميعادها تحضرى حاجتك من سكات مش لازم ماما وبابا والاصدقاء والاقارب يعرفوا ونبعت عيل صغير يجيب الفوط ونفضح الدنيا وياريت تلبسى شورت فوق البانتى عشان مش تبقعى هدومك
وتخلى بالك بقى بعد خروجك من الحمام متسبيش وراكى اى حاجة ولا ورقة ولا منديل ولا اى حاجة
واختارى دايما الترنجات الغامقة فى البيت ويكون الجاكيت بتاعها طويل
اما بقى لو انتى متجوزة كده كده هتتفضحى
وسى المورسى هيعرف
بس مش لازم يعرف ده من خلال القمطة والشبشب الزيكو
ممكن لو جتلك تبقى مثلا لابسه حاجة رقيقة كده بيجامة هوت شورت وتعملى ديل حصان ودايمااااااااااااااااا دايمااااااااااااااااااا تغيرى فوطتك وبعد كل فوطه تشطفى كويس اوى وتحطى اى كريم ريحته مثلا فواكه او المسك بقطعة قطن وبعدها تغسلى القطنة وترميها مش ترميها وهى فيهااا انتوا فاهمين بقى
ومش معنى اننا عندنا ظروف نهمل نفسنا برضه خليكى مزة وكده
نيجى بقى للجزء المهم
لو رحتى عن حد وانتى عندك ظروف
تعملى ايه اولا لبسك لازم يكون غامض تغيرى قبل ما تنزلى على طول تاخدى معاكى 2 فوطه وسبراى بتاع الجسم ومناديل استاذنى براحة وادخلى التواليت غيرى فوطك وامسحى بالمناديل المعطرة من بره والفوطة القديمه تحطيها فى كيس جوه كيس وتقفلى كويس اوووووووى وترشى شويه اسبراى جوه الكيس وتدخليها شنطتك لحد ما تروحى اوعى ترميها فى باسكت الحمام بتاع الناس ولا حتى فى التواليت ده كده مفيهوووووووش اتيتكت خالص
بعد ما تخلصى رشى سبراى فى الحمام واخرجى
تمام كده
طيب لو جتلك بقى وانتى عند حد ؟؟؟؟؟؟؟
موقف زفت طبعا
لو انتى عاملة حسابك خيط وبكرة
لكن لو انتى مش عاملة حسابك انتى بقى مضطرة تقولى لصاحبة البيت بس بينك وبينها وياريت لو تستنى هى تقوم وتقومى انتى وراها بلاش قدام الناس تقولى ليها تعالى عايزاكى شكلها مش حلو
وخدى منها الحاجة وظبطى امورك او لو انتى مثلا هى بتجيلك ضعيفة ممكن تحطى مناديل كتيييييييير فوق بعضها لحد ما تروحى
وانتى عند الناس طبعا فى مننا مش بيقدر يشرب حاجات سقعة ممكن انتى ترفضى بذوق قولى لصاحبة البيت معلش اعذرينى مليش فى الحاجات الساقعة وومكن بلطافة كده تقولى لها انا ممكن تعمليلى نعناع او ينسون عشان متفكرش انك قرفانة ومش عايزة تشربى حاجة منها
وابوس صوباع ودن مناخيرك الشمال
بلاش كل شويه اه بطنى اه ظهرى مش قادرة
حسيتى بوجع اطلبى منها مسكن بحجة الصداع وخلاص
اه اخر حاجة بقى اتفقى انتى وجوزك على سيم بنكم يفهموا هو قدام الناس عشان يقصر فى الخروجة ويمشى او لو الحد اللى انتى عندوا غريب اووووووووووووى عنك هو يقول مثلا نازل اجيب حاجة او هعمل مكالمة ويجبلك البتاع كده فى السر
ممكن مثلا تقوليلو ستو الحاجة جاية او مسلسل سندريلا هيبتدى
او مثلا انا عايزة اجيب لميزو طيارة باجنحة ههههههههه] كده يعنى
اسيبكم فى رعاية الله ياريت تدعولى بالحمل القريب بالله عليكوا نفسى ابقى ام
وبالمرة مشوفش البتاعة دى 9 شهور هههههههههههه
او مثلا انا عايزة اجيب لميزو طيارة باجنحة ههههههههه] كده يعنى
انتي عسل على فكرة
شكرا لموضوعك الجميل