ياريت يابنات تفيدونا فى موضوع ده بسرعه
انا يابنات مطلقه وعندى 32 سنه مطلقه من ظابط ظلمنى ظلم عظيم اخد منى عفشى وحاجتى كلها ورفعت عليه خلع وتبديد وماخدتش منه حاجه خالص وكل لم يتقدملى عريس يطلع وحش جدا وفى عيوب الدنيا كلها والمصايب كلها ومفيش حد عدل بيتقدملى ابدا
المهم عمى ما بيسالش عن اننا خالص ولا لنا معاه اى كلام
المهم يابنات كان فى ناس مرشحينى لعريس من شهر ونص رئيس مباحث من سنى هو مطلق كلموا قريب لنا وهو قال لنا عليه واعطانا البيانات كلها وقال هيتصلوا بكم دلوقتى واخدوا الرقم خلاص واحنا سالنا عنه ولاقينه كويس جدا ومحترم جداااااااااااااومن عايله كبيره اوى وكويسه انتظرنا الناس يتصلوا علينا ماتصلوش قلنا يبقى مفيش نصيب بعدها عرفنا من عمى ان رفضه من بره لبره ومنع الناس تتصل وقال لوسيط احنا مش هنسب ظباط تانى ومش هنوافق على ظباط رفضه بمجرد عرف ان ظابط ورفض يخليهم يتصلوا علينا او يعطيهم رقمنا
دلوقتى بالصدفه لاقيت اكونت الظابط ده على الفيس بوك وصورته عجبتنى جدا وحسيت ان محترم
هل ينفع يابنات ان اضيف حد من اصحاب الظابط ده واعمل ان بتعرف عليه عادى من ايميل غريب وبعدين احكى لصاحبو ده وكاءنى بحكى بالصدفه وبعدين اقول لصاحبو ده ده الظابط كذا كان متقدم لقريبه لى واحكيله الحكايه كاءنى مش انا صاحبه الموضوع الا كان متقدملى كاءنه كان متقدم لواحده قريبتى وكاءنى بحكى بالصدفه عادى واقول لصاحبوا كلموا لو هو عاوز يتقدملها تانى ولا اضيف انا الظابط ده باسمى الحقيقيى ولو فى حاجه هو هيقول لى واعمل ان بستشيره فى قضيه العفش بتاعى وان ماعرفش حاجه عن الموضوع ولا مثلا اضيفه واتكلم معاه عادى وبعدين اقوله واحده قريبتى هتضيفك عايزه تستشيرك فى موضوع خاص وبعدين اضيفه من حساب تانى واكلمه كاءنها صدفه عن طريق صاحبتى ولا ايه رايكم صاحب والدى بيقولى ممكن اعرف عنوان ابوه اورقم تليفون ابوه واكلمه هل ينفع صاحب بابا يكلم ابوه رغم ان مفيش اى كلام بينهم
ولا رايكم ايه يابنات هتبقى مكشوفه حد يفيدنى ارجوكم والا عنده اى اقترحات يقولى
حبيبتي انتي زي اختي
والموضوع هيبقي مكشوف فعلا زي ما قولتي
ومدام عمك رفضةخلاص يبقي انتي ملكيش نصيب
معاه ومتزعليش
وان شاء الله ربنا هيرزقك بانسان كويس ومحترم بس
هايجي في معادة
وانا اسفةعلي كترالكلام خصوصا اني لسة جديدة في المنتدي
يبقى خلى صاحب باباكى هو اللى يوصل للعريس انهم بانتظارك والعروسه حابه تتعرف عليك عن قرب
مفيهاش حاجه يا قمر انما عن طريق النت مظنش انه هيقتنع بيكى لان اللى تبادر للتعرف على شخص اكيد بتتعرف على العشرات من الاشخاص
وخلى صاحب والدك يفهم العريس ان سبب رفض عمك له انه ظابط زى الزوج السابق وليس لشخصه
|
فراوله معاها حق
ويارب تتعدى على خير