تعالوا نشوف الطريقه والصور
نشوف المقادير السهلة جدااااااا
بالنسبة للعجينة …اي عجيييييينة ترتاحليها عجينة الــــ10 دقايق او اي عجينة تحبيها ومتعودة عليها انا هنا استعملت عجينة ال 10 دقايق (وبالمناسبة انا بقلل لها كمية الماية شوية مش بضيف 2 كوب ماء بحط حوالي كوب ونص)
الحشوة:
صدور دجاج مخلية مقطعة صغير او متوسط
فلفل رومي مقطع صغير
بصل مقطع صغير
فصين ثوم مهروس
مايونيز
جبنة موتزاريلا
في الاول خالص هنعمل العجينة ونسيبها ترتاح انا هنا مصورتش خطوات العجينة بس كان لي موضوع عن عجينة منال العالم ودي عجينة رائعة وكمان الشيف لطيفة كفت ووفت في عجينة الـــــ 10 دقايق شوفوا موضوعاتها وكل تكاتها
انا بسيب العجينة ترتاح شوية بعد ماخلصها ودة بيكون افضل وتدي نتيجة احسن
في الوقت دة هنعمل الحشوة
هنصفر البصلة في الزبدة او الزيت(مش نغمقها عشان الطعم ميتغيرش) ونضيف عليها فصين الثوم المهروسين ونديها تقليبة وبعدين نضيف قطع الدجاج المقطعة صغير او متوسط ونسيبها تستوي كويس
وانا بكون عادة متبلة الفراخ وشايلااها في الفريزر بتتبيلة بجد تحفة(بصل كتيييير نااعم يكاد يكون ماية ملح وفلفل وقرفة وحبهان بودرة وورق لورا بودرة وزبادي وثوم)
وطبعا كل مالفراخ تقعد في التتبيلة بتبقي احلي واحلي بس ممكن نشتغل بيها من غير ماتكون متبلة ونضيف برضو كل البهارات الي قلناها عشان تدينا طعم مميز بس لو هنعملها علي طول يبقي منضيفش زبادي
بعد الفراخ ماتستوي هنضيف الفلفل الرومي ياخد تقليبة ويشرب الطعم بس من غير مايتهري
هنشيل الحشوة من عالنار نسيبها تهدي شوية وبعدين نضيف المايوينز حوالي معلقة كبيرة او حسب الكمية وحسب رغبتك
وفايدة المايونيز اولا انه بيدي طعم جميل ثانيا بيخلي الحشوة تمسك في بعضها ومتبقاش مفرفتة
ممكن تقللوا او تزودوا حسب ماتحبوا
هنجيب بقي الصاج او الصينية الي هنخبز فيها نرشها دقيق سميد بالشكل دة(ودة دقيق البسبوسة وبنحطه عشان يخلي الفطاير مقرمشة من تحت ومتعرقش وتطري بعد ماتطلع مالفرن)
هنجيب بقي العجينة بعد ماسبناها ترتاااااح مش كتير عشان ريحة الخميرة متضربش فيها
نفردها علي شكل مستطيل ومش لازم مستطيل بالظبط يعني بس برضو ميبقاش شبه منحرف 
ونقطعها بالسكينة بالراحة خطوط متوازية بالشكل دة
ونجيب الحشوة نحطها علي الجنب المقابل للخطوط الي عملناها
ونحط الجبنة الموتزاريلا ولازم يكون عندنا مرونة ياجماعة يعني مفيش موتزاريلا ممكن نستغني عنها وممكن نضيف شيدر الجيش قالك اتصرف والمايوينز كمان ممكن نحط بداله اي جبنة سايلة
ونرفع بالراااحة الجنب المخطط ونقفل بيه عالحشوة ونقفل كويس من كل الجوانب ولو فيه زيادات نشيلها بالسكينة
وندهن الوش صفار بيضة عليه كم نقطة خل وسنة صغيرة نسكافية دايب في شوية ماية صغيرة ودول عشان يضيعوا ريحة البيض خالص وفعلا مالوش اييي ريحة الحمد لله
ونرش كمان حبة البركة لو تحبوها او سمسم… حبة البركة بتدي طعم جميل جدا
دة مقاس كبير وممكن تعملوا حجم صخنوووون زي الي شفتوه فووووق في اول صورة
ونبتدي نخبز باول صاج شكلناه عشان يكون خمر شوية..يعني المهم نسيب الفطاير تخمر كمان بعد التشكيل تلت ساعة الي نص ساعة حسب الجو
ونكون طبعا مسخنين الفرن ونخبز الفطاير علي 200 لحد ماقاعها ياخد لون ذهبي وممكن نفتح عليها الشواية شوية في الاخر
ودة بعد ماطلعت ريحتها جمييييييلة جدااا
شوفوا الجمال ماشاءالله لا قوة الا بالله
وادي السميد ادانا قرمشة جميييلة جدا
وممكن نقطعها صوابع بالشكل دة ظريفة ومحندقة 
والطبق دة لكل حبايبي واخواتي في فتكات يالا اتفضلوا مدوا ايديكم
هاااااااا مين نسيت تدعيلي ربنا ينولني ماأتمني عاجلا غير اجلا ويحفظلي زوجي واولادي من كل سوء
اوعوووا
