المكونات
2 كوب لبن
نص كوب سكر
1 باكو صغير فانيليا
2 معلقه كبيره نشا
2 صفار بيض
كاجو مجروش ومحمص
اى نوع فاكهه عندك مقطعه مكعبات مانجو عنب تفاح رمان موز كريز
الطريقة :
سهله جدا وبسيطه هحط السكر مع كوب ونص من اللبن وهدوبهم كويس على النار وبعد كده هضيف الفانيليا مع التقليب المستمر عشان السكر يدوب ونص كوب اللبن الباقى عندى هدوب فيه معلقتين النشا بعد كده هحطهم على اللبن وهقلب كويس عشان الخليط بتاع الكاسترد مش يخرز وبعدين اول متتماسك نفس قوام المهلبيه ههدى النار عليها وهضرب صفار البيض كويس وبعدين هحطه على الكاسترد مع التقليب كويس اوى وبعدين هرفع ده من على النار وهحط الفاكهه المقطعه فى الاطباق مع الكاسترد وقلبهم كويس جوه الاطباق مع بعض وبعدين هدخلهم الثلاجه وعند التقديم هنضيف الكاجو المجروش
….وبالهنا ليكم يارب
انتظر نصيبى منه
اللهم صل علي محمد وعلي ال محمد
