النحلة تيتى لسة بتدور على خليتها وفى نفس الوقت بتتعلم من غربتها بعد اللى حصل فى موضوع سرقة خزينة الشركة والدور اللى قامت بيه تيتى وانقذت الشركة من السرقة مشيت تيتى وهى سعيدة طايرة من الفرح وبعد فترة من الطيران اتخبط جناح تيتى فى عرف شجرة فوقعت تحت شباك بيت متواضع تتالم وفجأة سمعت بكاء أم تناجى ربها وتتكلم معاه وتقول (يا رب يا حى يا قيوم ارزقنى برزق ولادى الغلابة اللى ملهمش عائل ولا باب رزق غيرك يا رب انت عارف ان نومهم من غير عشا على حر عينى ومش بأيدى يا ربانا مش قادرة اسئل حد غيرك او اطلب المساعدة من غيرك لأنى متاكدة ان الشكوى لغيرك مذلة يا رحمن يا رحيم ودول يتامى وانت عالم ساعدنا يا رب) وعلى صوت بكاءها دمعت عين تيتى من اللى سمعته وبصت تيتى من فرق الشباك ولقت 3 اطفال نايمين ودموعهم على خدهم وامهم على سجادة الصلاه تدعى ربها وتشكى حالها. فكرت تيتى تعمل ايه .تعملى ايه ياتيتى وازاى اقدر اساعدهم يا رب الهمنى طريقة اساعدهم بيها…وفضلت تيتى تفكر وتفكر لحد مخطرت لها فكرة جهنمية…تيتى جريت اوام على احواض الورد القريبة من البيت وفضلت تتنقل من زهرة لزهرة ومن وردة لوردة لحد ما جمعت الرحيق وطارت بسرعة على بيت الست المحتاجة وكتبت بكل العسل اللى جمعته فوق الشباك (رسالة الى كل من يحب العطاء ومساعدة الفقراء خلف هذا الشباك يوجد اسرة محتاجة من يساعدها له الأجر والثواب عند الله..اطرق الشباك وساعد بالقليل جعله الله فى ميزان حسناتك)وبعد مكتبت تيتى الرسالة تعبت من الكتابة ووقفت على فرع الشجرة جنب الشباك تستريح وفجأة لقت عربية نزل منها راجل عجوز خبط على الشباك وفتحت له الام المسكينة وقال لها اتفضلى يا ستى ده ظرف بعته لكى السيد خليل اللى قاعد فى العربية صاحب شركات الغزل المشهور وده دفتر شيكات كل شيك ب1000 جنية يصرف كل اول شهر لمدة سنة وطالب بس دعوة خالصة من القلب فبكت المرأة وسألته مين اللى عرفه انى محتاجة فقال ربنا مبينساش عبد محتاج يا بنتى فقالت جزاكم الله كل خيروبعد دقيقتين لقت تيتى عربية تاني وناس تانية بتخبط ع الشباك وتقدم المساعدات وغيرهم كتير كل اللى يعدى ويقرا الرسالة يخبط ع الشباك ويساعد باللى يقدر عليه لحد ما دخل الليل وقفلت الأم الشباك وشبعت العيال وصلت فرضها وحمدت ربها ودعت بالخير لكل من ساعد …وفرحت تيتى باللى حصل ده وحمدت ربها انه الهمها الفكرة الحلوة دى وقالت اكيد انا لية نصيب من دعوات الام المسكينة ويا رب اجعله فى ميزان حسناتى ورجعنى لخليتى بالسلامة يارب
شكرا يا عسل
|
يا رب تكون عجبتك