مينفعش نسيبكم تعملوا حاجة غلط تضيع فرحتكم بليلة العمر
زي ما بيحصل مع بعض العرايس
تروحي بمنتهى صفو النيه حاجزة سويت وحمام مغربي في البيوتي سنتر
والنتيجة انك ليلة الدخله عندك حبووووووووب وعريسك بيحطلك المرهم او مشمئز من منظر الحبوب
طبعا الحبوب بتظهر في الصدر والظهر لانهم مكانين ماكنتيش بتعمليهم قبل كده خالص وفجاه قررت تعمليهم وايه بعدهم حمام مغربي كمان
اساسا من غير حمام مغربي المعظم وليس الكل بيطلعله حبوب نتيجة السويت
طب تعملي ايه
الحل يا جميله انك لو مشعره وناويه تعمليهم على الفرح اعمليهم من اول ما تتخطبي
علشان يكون جسمك اتعود على الفرح
ولو مش مشعره خلاص اعمليهم تشقير وبس
ونصيحة كمان يا ريت لحمام المغربي يكون قبل السويت مش بعده
علشان الجسم وهو ملتهب بعد السويت تدعكي باللييفة المغربي والسنفره
حراااااااااااااااااااااااااااام
متتضيعيش كل اللي عملتيه بغلطات بسيطة كده
وعلى الرغم من انها بدايات التجميل وكل اطباء الجلدية بينصحوا بكده
الا ان كتير من الكوافيرات بيتجاهلوا الموضوع ده خالص واخرها هتقولك حطي كريم كيناكومب
ولعلمك بردو مش هينقذك
الكلام بردو للمتزوجين لو قعدتي شهووووووور متعمليش سويت لضهرك وصدرك وبطنك وفجاه قررتي تحتفلي بالعيد او عيد زواجك منصحكيش
تغامري وخليها تشقير افضل
متنسوش التقييم
مشكوره يا قمر