النهاردة دى أول مشاركة ليا من مطبخي
طبعا الأكلة دي أنا عاملاها بقالها أسبوعين بس كان فيه
مشكلة بالصور
النهاردة بقدملكم من مطبخ مايا
برام أرز بالكبد والقوانص
1/2 كجم كبد وقوانص
3 كوب أرز
2كوب لبن وحطيت 1كوب ونصف شوربة
ملح
فلفل
سمن لدهن البرام
نغسل الكبد والقوانص كويس بالملح والليمون
نضع على الكبد والقوانص ملح وفلفل
ننقعهم ساعتين
نجهز البرام وندهنه بسمنه كما موضح بالصورة
نغسل الأرز كويس
نضع قليل من الأرز في قاع البرام
يعني تغطيه بطبقة وبعدين تضعي
الكبد والقوانص
وتضعي باقي الأرز
تضعي علي اللبن ملح وفلفل
ونضعه علي الأرز
نسخن الفرن في بداية تحضيرنا للبرام
على درجة حرارة عالية
نضع البرام بالفرن
نتركه لتمام السوا
وده شكل البرام بعد ماطلع
وحتقدميه بالشكل ده
تقدميه مع سلطة ومخلل
مقادير السلطة
طماطم خيار فلفل أخضر
بقدونس ثوم
زيت ليمون
ملعقة خل ملح
تقطع المكونات وتخلط
ودي السلطة
بالهنا الشفا
يارب تكون أكلتى عجبتكم
مع تحيات مطبخ مايا علي
الف مبروك التكريم
سؤال يا جميل
الكبد والقوانص بتحطيها نيه ولا بتشوحيها الاول عشان تنشف من دمها ؟
|
طبعا ياقمر ممكن تسألى
أنا بحطهازى ماهى عادى وممكن تشوحيها برضه بس أنا بحطها عادى مفيش مشكلة وطعمها مافهوش أى زفارة ولا شئ
نورتيني ياقمر
|
تسلمى حبيبتى اتفضليه كله طبعا
وشكرا للتكريم