اولا احب اقدم خالص التعازي لاهالي ضحايا التوبيس وربنا يجعلهم من الشهداء يارب ويصبر اهلهم
ثانيا
يا ام غدير انا شفت حلم ليله راس السنه الهجريه وليلتها انا صليت استخاره علي شغل جديد طلبين فيه ناس وانا صليت استخاره عشان اشوف هل خير ليا ولا لا
مقدمه
انا ليا ابن عمتي اسمه سيد
الشخص ده خريج علوم وشغال في مجال الادويه
بس انا عمري ما اتكلمت معاه بحسه معقد من الستات اصلا
المهم دايما في مشاكل مع بين الاهل
وده علي طول
المهم ان الشخص ده مبيشوفنيش غير كل فين وفين
ولا انا بكلمه اصلا خالص
الحلم
ان ابن عمتي ده متقدملي
وانه كان معجب بيا جدا ودايما كان بيكلم مامته عليا
وهو كان مستني يعمل ارشين كويسين عشان يتقدم
المهم طبعا ماما لما عرفت سكتت انا قلت اكيد هترفض خالص
ومش هتوافق
لاقيتها وافقت بس مكنتش مبسوطه اوي
وبابا كان فرحان وانا كنت خايفه ومرعوبه منه معرفش ليه
المهم تمت الخطوبه بعدها قلتله تعالا
وصلني لمكان عشان عايزه اوصل حاجه
فروحت لمكان في صحراء
وفيها كنيسه وجمها جامع
لازقين في بعض مفيش غير السور بس
فالحاجه ده كنت هوديها للكنيسه بس كنت خايفه حد يشوفني ويفهمني غلط
بس قلت لا انا بودي امانه المفروض مخافش
بس منظر الجامع من بره كان وحش اوي وضلمه جامد
وشكله مش نظيف
لكن الكنيسه من بره حلوه ومنوره
ونظيفه جدا والسلم بتاعها رخام
المهم دخلت وسلمت الحاجه
وانا خارجه قلت هخرج من سلم الجامع فنطيت علي الجامع عشان انزل من السلم بتاعه
لاقيت الجامع من جوه وحش اوي
والريحه مش حلوه والسلم متكسر اوي
ولاقيت جدتي مامه مامتي
بتحاول تنزل علي السلم ومش عارفه
فسعدتها وطول ما احنا نازلين بتقولي شفتي حال المسلمين بقي عامل ازاي
حالهم بقي وحش اوي شفتي الجامع ده المسحين احسن منهم
وانضف منهم
المهم خرجت وانا زعلانه ان ده حال المسلمين
وبعدين روحت انا وسيد اللي هو ابن عمتي
الجامعه عشان اخد ورق
لما روحت عشان اخد ورق وطول الوقت بفكر
اني خايفه اتجوز سيد ده
ومرعوبه منه وخايفه يكون وحش
المهم لاقيته وانا خارجه من الجامعه كنت هقع
فلاقيته جري وحسيته خايف عليا اوي
ومسكني وقعد يطبطب عليا
ولاقيته جاب دبلتين
والاتنين لونهم اسود وفيهم خط دهبي
بس بتاعته كان فيها سمبوكسه بالون الدهبي
ولابسهالي
فانا قلت ياه ده طلع حنين اوي
لا انا كنت ظلماه
وبس
معلومات عني
انا اتخرجت من الجامعه السنادي
عمري 22
وغير مرتبطه خالص
وابن عمتي عمري ما جه في بالي ولو لحظه انه ممكن يفكر كده انا مستغربه من الحلم عشان انا بستبعد نهائي انه يعجب بيا اصلا وانه يجي يتقدم من اصله الموضوع ده صعب جدا
اسماء اللي في الحلم
عمتي كريمه
بابا عبد الجليل
امي نوال
جدتي فائزه
وابن عمتي سيد
وارجو منك تفسير الحلم
اولا اغلب الاحلام التي بعد الرؤيا لا تفسر لانها من الممكن ان تكون حديث نفس
غاليتي هل انت في اليقظه تفكرين في حال المسلمين و تحزني ان المسحين معاملتهم افضل من المسلمين
|
الصراحه لا مبفكرش في حال المسلمين
ده حتي الاخبار كل فين وفين لما بشوفها او اعرف اخر اخبارها
يعني بعرف بس من اصحابي الاخبار القويه زي موضوع القطر والحاجات ده
لكن مش من النوع اللي مشغوله بالاخبار
او بحال المسلمين اوي
عشان انا الفتره ده مشغوله جدا بسبب الجامعه والنقابه وكل ده
وجزاكي الله خيرا
موضوع قريبي ده غريب جدا
عشان انا عمري ما فكرت فيه نهائي
عشان كده كتبت الحلم
لان وجود الشخص ده بالشكل ده غريب بالنسبالي جدا لانه عمره ما خطر ببالي باي شكل من الاشكال
وشكرا
اما الكنيسه والمسجد ربما تكوني بتحاولي انك تهدي احد وستفوزي و ستسعدي بهدايته والله اعلم
ان اصبت فمن الله وان اخطات فمن نفسي والشيطان