اول حاجه اننا لازم ندعى الناس على الافطار قبل الميعاد بيومين على الاقل عشان يعملو حسابهم وانتى كمان تعملى حسابك
اما عن الاعتذار عن الحضور لازم يكون قبله بيوم يعنى متجيش يوم العزومه وتقوليلها معلش مش هقدر هاجى طبعا ساعتها لو قدمها هتخبطك باللى فى ايديها 
اما اذا كنتى مدعوه على الافطار لازم توصلى قبلها ب10 دقايق لانك لو وصلتى قبل الميعاد بكتيييييييييييييييييير هتلبخى ست البيت لانها هتكون مشغوله بالتحضيرات
اذا كنتى مقربه من ست البيت فمن الذوق انك تساعديها بالمسات الاخيره على السفره وبعد استئذان منها طبعا
لازم وانتى رايحه تاخدى معاكى هديه وافل هديه فى رمضان هى الحلويات الشرقيه
واذا كنتى عامله دايت فمن الذوق انك تقولى لصاحبه الدعوه قبلها وده احسن من انك تسيبى الطبق مليان وهى تفتكر ان اكلها وحش ومعجبكيش واكيد من جواها هتبقا عاوزه تخبطك باللى فى ايديها ههههههه
فطرتى وحمدتى ربنا ياريت متطوليش فى الزياره بعد الفطار لكن اذا كنتى مقربه منها فاكتر حاجه ممكن تقعديها ساعتين وتاخدى بعضك وعلى بيتك
يارب اكون افدتكم
