(امسح كل ذنوبك)
+ايه الاخبار
=ده انتى عملتى امبارح فيا
حتة مقلب قعدتى تحمسينى
وفى الاخر علقتينى ومشيتى
+عارفة وكان قصدى
=ايه!!
=طيب ليه كده؟
+لان لو اخدتى كل حاجة مرة واحدة
هتتحمسى شويه وبعديها بساعة
ولا كأن فى اى حاجه
=كلامك مظبوط
+وخلى بالك كل حلقة هيكون
نفس النظام
=بس على الله يجى بفايده
+قلتلك امبارح ثقى فى الله
وما تحمليش هم
=ماشى..مش ندخل فى الموضوع بقى
+ماشى..يلا
.3.
.2.
.1.
+السلام عليكم ورحمة الله
=وعليكم السلام ورحمة الله
+ايه الاخبار
=تمام..الحمد لله
+طبعا زى ماانتى عارفة ان حلقتنا
النهاردة عن ازاى نمسح كل ذنوبنا
+فى البدايه لو قلتلك
ممكن تعد ذنوبك اللى عملتيها
من يوم ما اتولدتى
=ايه ..
+طب بلاش ..
ممكن تعدى ذنوبك اللى عملتيها
طول الاسبوع ده
=يا ستى انا ماشىة …
انتى جاية تفكرينى باللى فات
+استنى انا قصدى ان انتى
ماتعرفيش تعدى الذنوب اللى
عملتيها النهاردة اساسا
+ومحدش يقدر يعدها الا
الله
=صح
+اذن ماحدش يقدر يمسحها
الا الله
=ونعم بالله
+ولكن ازاى نخلى ربنا يغفر (يمسح)
لنا كل ذنوبنا
=ازاى ..قول انتى؟؟
+بصراحة مش انا اللى هقولك
=امال مين ..؟
+اللى هيقولك هو اللى هيغفرلك
كل ذنوبك..حيث قال
عز وجل
(فقلت استغفرو ربكم انه كان غفارا)
=صدق الله العظيم
=يعنى ربنا ممكن يغفر لى
ذنوبى كلها
+انتى مش مصدقة ربك ولا ايه ؟؟!!
=انا مصدقة والله
ده حتى كلام ربنا
بس انا مش متخيلة
يعنى ربنا هيسامحنى فى
كل اللى عملته؟
+انا عارفة انك فرحانة اوى
علشان كده اسمعى الحديث القدسى
الجميل ده
(يابن ادم لواتيتنى بقراب الارض
خطايا ثم لقيتنى لا تشرك بى شيئا
اتيتك بقرابها مغفرة)…
=طب ولو ذنوبى اكتر
+ممكن ما تقاطعنيش تانى
=انا اسفة بس انا فرحانة اوى
+عارفة بس اسمعى للاخر
=ماشى انا اسفة
+(يابن ادم لو بلغت ذنوبك
عنان السماء ثم استغفرتنى
غفرت لك ولا ابالى)
+انتى واخدة بالك من حاجه
=ايه ؟؟
+ان ربنا بيقول غفرت على طول
يعنى ما فيش قبلها ثم ولا حتى
فاغفر
=طب ودى فيها ايه
+فيها كتير
+ان الله لو قال ثم قبل غفرت
معنى كده ان فى فترة ما
ما بين استغفارك لربنا و
ان ربنا يغفرها لك
ونفس الكلام فى لو كانت فاغفر
مع ان اللغه بتقول ان الفاء
تدل على سرعة التنفيذ
ولكن خلى بالك ان حتى لو فى
سرعة فى عمل شئ
برضه هتاخد وقت حتى
لو ثانية واحدة
بس اخدت وقت
ولكن ربك عظيم
اووووووووى
ان معنى ان ربك ما يقولش
ولا (ثم )ولا(ف)
معنى كده ان مفيش اى وقت
ما بين نطقك للاستغفار
وان ربنا يغفرها لك
=ياه .. دا ربنا كريييم اوى
+والله ربك عظيم جدا ولكن احنا
اللى مش واخدين بالنا
+ولو تاخدى بالك ان
فى جميع ايات القران
ربك بيقدم صفة الغفران عن اى شئ
يعنى مثلا
(ان الله غفورا رحيما)
ربنا قدم صفة الغفران عن الرحمة
لان استحاله ربنا يرحم شخص
كثيرالذنوب وبالتالى ربنا
هيغفرله ذنوبه وبعده ربنا يرحمه
ولو افترضنا ان قلبك حتة قماشة
بيضة وكل لما تعمل ذنب الذنب ده
يعمل نقطة سوداء على القماشة
اظن كده حتة القماشة بتاعة كل واحد
اتحرقت مش اسودت
=صح
+وخلى بالك ان حبيبك النبى
شبه القلب كأنه حتة حديده
والذنوب كأنه الصدأ اللى على الحديده
والاستغفار هو المنظف لهذا الصدأ
طب ما تجى نلمع قلوبنا بقى
= والله انا نفسى بس التلميع
هيجهدنى اوى وهيتعبنى
+اهم حاجه انتى ازاى بتستغفرى ربنا
هل بتستغفرى من فمك ولا من قلبك
=طب ازاى استغفر من قلبى
+بأنك وانتى بتستغفرى تكونى واثقة من ان ربنا هيغفرلك
=ونعم بالله
=طب ازاى استغفر ربنا ؟؟
+فى اذكار كتييير جدا
يعنى مثلا
(استغفر الله )
(استغفر الله العظيم واتوب اليه)
(استغفرك اللهم واتوب اليك )
وفى اذكار كتييير
ولكن لو تلاحظى ان النصف الاول
لو مشيتى على حلقة النهارده
اتحقق وهو ان ربنا يغفرلك
ولكن ازاى تتوبى لربنا بجد وازاى
تعرف ان ربنا تاب عليكى
=اه ..ازاى ؟؟
+ده للى هتعرفو فى الحلقة الجاية
ولكن واجبك من النهاردة تكثرى من الاستغفار
علشان نتظف قلبك من اى قذارة
واكيد القذارة على قلوبنا كتيير
+وفى الحلقة التالتة هنتوب بجد لربنا
=طب ما تقولى اى حاجه
+انا قلت بكرة ان شاء الرحمن
+يلا..السلام عليكم
=برده بتعلقينى..
=وعليكم السلام
يعطيكى العافيه
خطايا ثم لقيتنى لا تشرك بى شيئا
اتيتك بقرابها مغفرة)…
بارك الله فيكِ