خلطه من اختراعى لتنظيف ياقات القمصان 2024

السلام عليكم ورحمه الله وبركاته
ازيكم ياحبايبى عاملين ايه
انا عايزه اقول لكم انى سمعت عن كذا وصفه لتنظيف ياقات القمصان ووصفات كتير طلعت ناجحه بس كل وصفه لها عيب يعنى مثلا وصفه انك تغسليها بشامبو فكره حلوه جدا ونتيجتها رائعه لكنها مكلفه
وفكره انك تبليها وتحطى عليها مسحوق جميله جدا بس متعبه فى الدعك
فأنا قلت لنفسى متخترعى زى مالناس بتخترع وسبحان الله الفكره طلعت ناجحه جداااااااااااااااااااااااااااااا والحمد لله
انا كده طولت عليكو اوى انا خلاص هخش فى الموضوع هو انا مببطلش رغى كده ليه؟
المواد المستخدمه/
نصف صابونه شمس
2ملعقة خل كبار
2ملعقة شامبو كبار
2ملعقه مسحوق للغسيل
كوب ونصف ماء
برطمان فاضى
الخطوات /
1-اولا هاتى البرطمان وحطى فيه الماء وابشرى نصف الصابونه بشر ناعم يعنى من جهه المبشره بتاع التوم والجزر مش ناحيه البصل وحطيهم عالماء واقفلى الغطا ورجى كويس اوى
2-افتحى البرطمان هتلاقى رغاوى حطى الخل الخل هيقلل الرغاوى ورجى تانى
3-حطى المسحوق وارجعى رجى
4-اخر خطوه حطى الشامبو رجى هيتكون معاكى ماده عامله زى حمام الكريم
بعد كده ابقى حطى حته صغنطوووووووووطه خالص عالياقه وادعكيها فى بعض ثوانى ومن غير دعك شديد هتلاقيها زى الفل بس اوعى تنسى تدعى لى يارب تجربوها ويارب تعجبكوا وعلى فكره انا حطيت الخلطه دى برضو عالابيض وكانت النتيجه كويسه

طريقه جديده حجربها ان شاء الله تسلمى

تسلمى ياحبيبتى

الله عليك يا ام الافكار انتِ
تسلم ايدك