زبادو بالفراوله من مطبخ سوبر مامى بالصور زبادو من مطبخى بالصور طريقة عمل زبادو
السلام عليكم ورحمة الله وبركاته
انهارده هعملكو زبادو بالفراوله زى بتاع العلب بالظبط بس الفرق انه made in the house يعنى معمول فى البيت اصح كتير وانضف ومن غير مواد حافظه كمان وعلى فكره انا كنت نزلت الموضوع ده قبل كده بس من غير صور انهارده بقى الموضوع بالصور تعالو ورايا عالمطبخ نشوف هنعمله ازاى
المكونات
1ك فراوله
4علب زبادى دانون او لاكتيل
1/2 ك لبن بخيره او جهينه
4 كيس فانيليا
سكر حسب الرغبه
الطريقه
اغسلى الفراوله كويس ونضفيها من الورق الاخضر بتاعها وحطيها فى الخلاط وعليها اللبن والزبادى والفانيلا والسكر زى الصوره كده تمام
اضربيهم كويس جدا فى الخلاط وبالف هنا وشفا على قلبك انتى واسرتك وده الشكل النهائى
طعمه تحفـــــــــــــــــــــــه ولو مش مصدقين اسألو حمزه ابنى هههههههههههههههه
طيب فين حمزة اساله هههههههههههههههههه
متجيبي معاكي كاسات تعطينا نذووق
|
تعالى ياحبيبتى ياسلام والله لسه موجود منه فى التلاجه بس انتى تيجى
منورين
