ازيكم يابنات عدلات اخباركو ايه
زى ما عودتكو على منتجات مطبخى وبمجهودى الذاتى هههههههههههههههه احب اقدملكو انهارده طريقه جديده ومن ابتكارى لسلطة الطحينه كنت عاملاها امبارح وكان طعمها تحففففففففففففه تعالو يلا عالمطبخ
المكونات
1/8 ك طحينه او برطمان صغير
1/4 كوب خل
كوب زبادى جهينه او دانون
ملح
فلفل اسمر
كمون
2 فص ثوم مهروس
ماء
الطريقه
نجيب الطحينه ونحط عليها الخل ونقلبها بالشوكه لحد ما هتلاقى لونها اتغير وكلكعت (متقلقيش ده عادى)
هنحط عليها الميه واحده واحده مع التقليب المستمر لحد ماتلاقيها بدأت تفك وتسيح تانى
بعد كده هنحط عليها الذبادى ونقلب لحد ما تلاقي القوام بتاعها اتظبط ولا هيا تقيله ولا خفيفه ولو احتاجت شوية ميه تانى اديها
بعد كده هنتبلها بالملح والفلفل والكمون والثوم ونقدمها وده الشكل النهائى ليها
والله يابنات كانت روعه وسهله جدا فى طريقتها يارب تجربوها وتعجبكو
تحياتى لكم
