أزيكم يا قمرات
من مطبخى على عدلات على طول
هههههههههههه
انا عاملة صينية بطاطس بالفراخ
نبدأ بصينية البطاطس
المقادير
1: 3 حبات بطاطس
2: بصلة او 2 حسب الرغبه _ 2 فلفل اخضر
3: 2 طماطم
4: ملح _ ملح صغيرة فلفل اسمر _ ملعقه صغيرة كمون _ ملعقة صغيرة قرفه
الطريقة :
تقطع الطماطم طرنشات _ ويقطع البصل طرنشات _ ويقطع الفلفل طرنشات
تقلب البهارات كلها على بعضها
وأترككم مع الصور
التوابل وهى مخلوطة على بعض
الفراخ انا سلقتها لانى كنت محتاجة الشوربة للملوخية ومش خليتها تستوى أوى يعنى نص سوا وأخدتها
اخدت قطعه قطعه وحطتها بالتوابل
ورصيتها على البطاطس
وبعدين نغطيها بورق السولفان ونخرمه وندخلها الفرن لحد لما الفراخ تنضج وبعدين ننزع السولفان ونحمر الفراخ
وده شكلها بعد ما أستوت
دمتم بود حبيباتى
موضوع في قمة الروعه
لطالما كانت مواضيعك متميزة
لا عدمنا التميز و روعة الاختيار
تسلم ايدك يا عسل
دى الطريقة اللى بحبها موت
تسلمى
تسلمى
ممكن سؤال يعنى البطاطس هتستوى بدون متحطى عليها شوربه او حاجه بمجرد انك تغطيها بالسولفان ولا متهيالى هتبقا لسا محتاجه سوى أرجو الافاده