اذيكوا ياقمرات ان شاء الله من النهاردة هنعمل الزبادى فى البيت ولا احلى
المقادير
1 كوب زبادى
لتر لبن
الطريقة
هنغلى اللبن ونسيبة لحد ما يبقى دافئ ثم هنقلب عليه الزبادى لحد ما تدوب فى اللبن ثم
هناك 3 طرق للتسوية
الاولى****
حلة عادية واغطاء بتعها فية فشية ولمبة واللمبة داخل الغطاء هتسئلونى دى عشان اية اقولكم عشان الزبادى بعد ما تعملها زى الطريقة اللى انا قلتها فوق تملئ الكوبيات باللبن وترصهم فى الحلة وتوصل الفيشة واللمبة اللى فى داخل الغطا هى اللى بتسوى الزبادى وتسيبهم طول الليل والصبح تشيلهم
الطريقة الثانية *****
تقريبا فى ناس كتير عرفها وان انك تسخنى الفرن كويس ثم تملئ الكوبيات باللبن ثم ترصيهم فى صنية ثم تملئ نص الصنية مياة وتطفى الفرن وتدخليهم وتسيبهم طول الليل
والصبح بتكون جاهزة
الطريقة الثالثة *****
وهى بماكينة الزبادى وهى مش غالية
وهى دى طريقتى اليوم اسيبكم مع الصور
دى الزبادى بس طبعا مش هنضيفها كلها لان دى علبة كبيرة حوالى نص كيلو
هناخد منها علبة صغيرة
زى دى وبتبقى تقريبا 125 جرام
ودة لتر اللبن دافئ
هنضيف فوقة الزبادى
ونقلب كويس الى ان تدوب الزبادى داخل اللبن
ودى ماكينة الزبادى واللى فيها دى الكوبيات بتعتها
هنملها باللبن اللى احنا عملناه
ونغطيها ونوصل الفيشة وبتفضل 12 ساعة
ودى بعد 12 ساعة
نرفع الغطاء من عليها ثم نشيل الكوبيات
ونغطيهم كل واحدة بالغطاء بتعهم
وتدخل الثلاجة يفضل انك ما تاكليش منها الا بعد 12 ساعة فى الثلاجة بتكون احسن
ودى بعد مرحلة الثلاجة
وكلى بئا احلى كوباية زبادى مع ملقعة عسل ابيض
وعلى فكرة ممكن تعمليها بالفاكهة ايضا بتقطعى او بتهرسى اى نوع فاكهة انتى تفضليه
وتحطيه فى الكوبيات قبل ما تضيفى اللبن
بس انا بحبها سادة
م
ن
ق
و
ل
