طريقة تحضير فراخ مشوية,بالصور طريقة فراخ مشوية,الفراخ المشويةمن مطبخي 2024

[IMG]

[/IMG]

صباحكو عسل يابنات بعد التحية والسلام
النهاردة هنعمل مع بعض فراخ مشوية واحلي 1000 مرة من الجاهزة
كفاية اننا احنا الي محضرنها وعاملينها بأيدينا
وان شاء الله تعجبكو ومش هتبطلو تعملها

بصو يابنات البتاعة دي الي بشوي عليها الفرخة كاملة في الفرن بجد والله اختراااااااع ياكوتشانا بقول عليها قمع [IMG][/IMG]

[COLOR="rgb(255, 0, 255)"]هقولكو هنعملها ازاي دلوقت
[/COLOR]
[IMG][/IMG]
*2 عدد فرخة صغيرة متزدش عن كيلو عشان تستوي كويس معانا
*ندخل علي توابلنا معلقة صغيرة من كلا من الاتي:-
(فلفل اسمر/ملح/خل/5 ليمون كبار/بصلة كبيرة مبشورة/ثمرة طماطم كبيرة مبشورة/جنزبيل/زعتر خشن/معلقة كبيرة نعناع ناعم/بابريكا)
*السر بئه في التتبيلة بتاعتي 2 كوب زبادي او نص كوب رايب مع الخلطة دي بيعطيها طراوة وطريان جمييييييييل
*3 معالق كبيرة زيت زيتون

وده شكل التتبيلة:-
[IMG][/IMG]

[IMG][/IMG]

*طبعا نكون غسلين الفراخ ومنظفنها كويس جدا ونفتحها كده بالسكين من عند الصدر والاوراك عشان تتشرب التتبيلة بتاعتنا من جوة وكمان نضمن سواها
وده شكلها :-[IMG][/IMG]

*نحط عليها التتبيلة بتاعتنا الي قولنا عليها ودي صورتها في التتبيلة:-[IMG][/IMG]

معلومات مهمة جدا
ولنتيجة افضل تترك في التلاجة لتاني يوم بالتتبيلة دي
كل ماتسيبيها في التتبيلة اكتر وقت يكون احسن تتشرب منها
يعني انا بعملها كده من قبلها بيوم علي المغرب واحطها في الفرن تاني يوم علي الظهر
بندخلها الفرن الاول علي درجة حرارة تحت المتوسطة عشان متنشفش وتتحرق من غير ماتستوي
ولما نحس انها بدأت تلون وتدخل في السوا نعلي عليها شوية
مش محتاجين نشغل الشواية خالص هي بتحمر لوحدها مع النضج
بتاخد من ساعة ونص لساعتين

بصو يابنات احنا بنوقفها في القمع ده كده داخل صينية
ونكون حاطين فيها مقدار من المية بس ميلمسش الفرخة
وكل شوية نشوف لو المية نقصت نزودها عشان الصينية متتحرقش
كمان بخار المية بيعطي الفرخة طراوة
بتكون زي كده يابنات
صورة للتوضيح طبعا دي بعد نضج الفرخة:-
[IMG][/IMG]

وده صورة الفرخة بعد النضج والله يابنات طعمها ملوش حل وكمان طرية خالص مش ناشفة
اوعي تاكلي صوابعك وراها
انا عن نفسي بطلت اشتري الجاهزة وبعملها كل اسبوع مرة وبيستنوها
[IMG][/IMG]
وصوة تانية تجويعية يووووه تشجعية من زاوية تانية[IMG][/IMG]