مساء الخيرات عليكن احلي عدولات
النهارده هنعمل مع بعض كيكة سهلة وبسيطة ولذيذة بالشيكولاته
ودي صورها يارب تعجبكو
ندخل علي المقادير :-
3 كوب دقيق الا معلقتين
3 بيضات
2 كوب زبادي(بيخلي الكيك هش وطري وياسلام لو رايب مقلكوش تحفففة)
نصف كوب لبن
2 كوب الا ربع سكر
معلقتين كاكو خام
كوب الا ربع زيت
ربع كوب سمن
ظرفين فانيلا
كيس كيك شيف (محسن كيك+بيكنج بودر)
ندخل علي الطريقة:-
***نخفق البيض جيدا مع الفانيلا وبعدين نحط الزيت والسكر
***ولما نتأكد من ذوبان السكر في الخليط نحط عليه الزبادي ونخلطهم جيدا لحد مايتجانسو
***انا بحط باكو المحسن علي الدقيق واقلبهم بين صوابعي كده عشان يدخل الهوا والمحسن يتوزع عليه كله عشان معنديش منخول
*** وبعدين انزل بالدقيق علي الخليط بتاعي علي مرتين اول تلات مرات لحد مالاقي الدقيق اختفي ومفيش كلاكيع ولا اي حبيبات
ملحوظة:- هنلاقي الخليط غليظ شوية فاكرين نص كوباية اللبن الي قولنا عليها،هناخد نصها ندوب فيه الكاكو بتاعنا كويس وننزل بتلت كمية العجين بتاعنا ونقلبه فيها لحد مايبقا كله شيكولاتة كده
، وربع كوب اللبن الباقي هنصبة علي الخليط بتاعنا لحد مايبقي قوام الكيك مظبوط
***هنسيح ربع كوب السمن نصبه علي خليط الكيك لحد مايتجانسو كويس عشان برضه يبقا فيها ريحة السمنة مش كله زيت انا بحب احط من الاتنين
***بعد كده نكون دهنين الصينية الي هنصب فيها الخليط سمنه
*** وننزل بنص الخليط الابيض الاول عشان الشيكولاته بتتحرق بسرعة وبعده كده ننزل بخليط الشيكولاته بشكل عشوائي ثم باقي الخليط الابيض برضه عشان وشها مش يتحرق
ملحوظة الخليط ده يعمل صينية كبيرة لانهم 3 كوبيات دقيق والخليط يكون مش اكتر من تلت الصينية عشان نعطيله مساحته يرتفع براحتة وميطلع مكتوم يابنات
[U]اخيرا التسوية :[/U]-طبعا نكون مشغلين الفرن قبلها بربع ساعة
ندخلها علي الشبكة الي في النص اول 5 دقايق علي درجة حرارة عالية وبعد ها تكون درجة الحرارة متوسطة
ومتفتحيش عليها الفرن قبل نص ساعة او 20 دقيقة عشان متهبطش وهي جوة تختبريها بخلة او سكينة لو طلعت نضيفة تبقي استوت ولو فيها عجين يبقي لسه
كده خلصت الحمدلله
تم التكريم
والتقييم
جارى التقييييييييم
*****
تحفة بالصحة والهناء
ربي يحفظ دياتك