هاتى ديك متوسط من 10 الى 12 كيلو وحضرى له تتبيله من
3 كوب لبن رايب
بصله كبيره
نص راس ثوم
ملعقه زعتر
ملعقه بابريكا
ملعقه بهارات
نص ملعقه فلفل اسود
نص ملعقه حبهان
ملح حوالى ملعقه
2 ملعقه سكر
ممكن اى بهارات تانيه تحبوها
اضربي الخلطه دى فى الخلاط وصفيها بشاشه واحتفظى بالتفل اللى طلع منها
هاتى حقنه كبيره من الصيدليه 50 ملل وامليها بالسائل واحقنى بيه الديك كله لغايه ما يشربه
ادهنى داخل وخارج الديك بالتفل الباقى عندك ثم لفيه بالفويل الديك وليس الصينيه واتركيه فى الثلاجه من 12 ل 24 ساعه
طلعيه وازيلى اتفل اللى فى الخارج فقط وادهنيه من الداخل والخارج بالزبده وضعى تفاحه كامله فى بطنه ثم غطيه هو والصينيه بالفويل ودخليه فرن متوسط الحراره لمده 3 الى 4 ساعات اى عندما تغزى السكينه فى الصدر تخرج العصاره شفافه
اكشفى الفويل وادهني الديك بالكاتشاب ودخليه تانى الفرن حتى يحمر
