الفينو طريقة سهلة لعمل الفينو فى البيت ومن مطبخى محبه لله
الفينو طريقة سهلة لعمل الفينو فى البيت ومن مطبخى محبه لله
اهلا بيكم يا عدولاتى اييه اخباركم يارب الكل بخير وسعادة وكل عام وانت الى الله اقرب وبخير بمناسبة قرب حلول شهررمضان المبارك اعاده الله عليكم وعلى الامة الاسلامية جميعا بالخير واليمن والبركات
انا عملت فينو فى البيت سهل جدا ومبيخدش وقت وطعمه روووعة يلا نبدا بسم الله
المقادير
ثلاثة ونصف كوب دقيق
كوب ونصف حليب دافئ
معلقة كبيرة خميرة فورية
ملعقة زيت طعام
ملعقة صغيرة ملح
ملعقة صغيرة سكر
للحشو
سجق او نقاق او جبن رومى او جبنة اى نوع تحبيه
الطريقة
نضع الخميرة مع السكر فى كوب وعليهم اللبن الدافئ ونغطيهم لمدة خمس دقائق ثم نضع الدقيق فى حلة غويطة ونضع عليه الملح وبعدين نضع اللبن اللى عليه الخميرة ونضع ملعقة الزيت ايضا ونقلب لحد ما تصبح العجينة كويسة فى ايديك مش بيتلزق ثم نتركه فى حلة اخرى مدهونة بالزيت ونغطى لمدة ساعة او ساعة ونصف لحد ما العجينة تلاقيها بقيت كبيرة وزادت ثم نقطعها على شكل كور والكمية ديه بتعمل حوالى 13 كورة ثم ناخد كورة كورة ونبططها شوية على شكل دائرة ونبدا نضع الحشو اما سجق بس طبعا اكون سلقته الاول او الجبنة زى ما تحبى ونلف حتى يصبح كما بالصور وهكذا الى انتهاء الكمية وفى الفرن تحطيه حتى يحمر الوجه وبالف هنا عليكم يا عدولات واسيبكم مع الصور
ان شاء الله نجربه
وجزيتي الجنة
|
تسلمى حبيبتى ونورتى موضوعى بمرورك الجميل