بعد تنضيف الكوارع من الشعر اللى فيها تسلق لمدة ساعه ونضع عليها الحبهان المطحون ليذيد النكهه والملح والفلفل والبصل , وبعدين نطفى عليها لمدة ساعة نغطى عليها كويس بالغطى بتاع الحلة ويكون محكم لتوفير الوقت فى السليق لأنها فى الحقيقة بتأخد أكتر من 4 ساعات سليق ولما جربت أسلق ساعة وأطفى عليها ساعة البخار بيسويها شوية ) وبعدين أرجع أقيد عليها تانى ساعة كمان حتبقى مستوية وجميلة .
توضع فى مصفاة لتصفية الشوربة منها ثم تحمر (وخلى بالك علشان هى بترطش كتيير فى التحمير ممكن نغطيها بغطى حلة عند التحمير .
نعمل أرز عادى جدا
نقطع رغيف عيش قطع صغيرة مقاس عقلة الأصبع ويحمر فى ملعقة سمنه كبيرة .
نحضر حوالى 2 حبة طماكم مضروبين فى الخلاط .
نحمر الثوم المفروم فى ملعقة سمنه مع الكمون حوالى ملعقة صغيرة ثم نضع الطماطم ومعها الملح وقليل من الفلفل ,وتسبك الطماطم ثم نضع عليها نص كوب ماء وتغلى مرة ونطفء النار .
ونحمر ثوم ناعم فى السمنة ثم نضع علية الخل ونطفى النار فورا .
نحضر صنية ونضع فيها العيش المحمر مع كبشتين من الأرز ونسقيهم بشوربة الكوارع ولا ننسى تصفية الشوربه (ممكن يكون فيها عضم صغير ) ويقلبوا مع بعض مع قليلا من الصلصة المحضرة قبلا ,ثم نضع باقى الأرز ويساوى السطح بظهر الملعقة ثم نضع التومية (الصلصة ) على الوجة ثم نضع الثوم المعمول بالخل يرش على الوجة
وبالهنا والشفا
أعذرونى يا جماعة كنت حبة أبعت صور للأكلة معرفتش أبعتها دلونى أعمل أيه علشان أضيف صور لأكلتى وأكتب أزاى بخط كبير وملون كل مرة أختار اللون مش بيعمل دلونى لو سمحتوا وشكرا جزيلا لكم وعلى مساعدتكم لية
بحبكم كلكم .
شرح ادوات صندوق محرر الموضوع
: مواضييع هامه لكل عدوله جديدة لكي تصبحي نشيطة ومميزة
