قال الله تعالى : كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ
انا لما ايماني زاد اوي و بدأت اتفرج على مصطفى حسني
حبيت اشارك ايماني اختي
و هي كمان اول ما شافت مصطفى حسني
اخدتها الحماسة و قالت انا حبطل اغاني و مش حكلم ولاد على النت تاني و حغير لبسي و بقت ملهوفة كده لطاعة الله
لكن للاسف
الحماس ده لم يدوم فترة طويلة 
و لقيتها بتسمع اغاني و بتكلم ولاد 
المشكلة ان هي عارفة ان كده غلط و عن اقتناع
بس الشيطان مش سايبها في حالها
انا اعتراضي اكتر على حكاية انها بتكلم ولاد على النت
المشكلة ان كلهم يعدوا يقولولها بنحبك و نفسي اشوفك و نفسي اسمع صوتك و الكلام اللي انتوا عارفينوا ده
انا بحس ان هي بتبقى مستمتعة بالكلام ده
حتى لو هي مستمتعة عشان مش لاقية حنان في البيت مثلا
انا طيبة جدا معاها على قد ما اقدر 
و بلاقيها ساعات بتدلع في الكلام معاهم
بصراحة انا معايا الايميل و الباس ورد بتاعها
و بشوف حوارتها مع الولاد كل يوم 
و بزعل جدا عليها
انهاردة الموضوع زاد اوي
لقيت ولد كاتبلها على صفحتها
بحبك اوووووووووي و بموت فيكي اووووووووووي
و لقيت حوار بينها و بين شاب
يظهر ان هما كانوا متفقين يتقابلوا في مكان معين قبل كده
و هي مع اهلها كمان
و هو يقولها حتروحي المكان الفلاني امتى
تقوله لسة مش عارفة
يقولها طب حتلبسي ايه عشان اشوفك
تقوله لسة ما قررتش
الموضوع زاد عن حده اوي
المشكلة ان كل ولد يكلمها و يعد يقولها حاجي اخطبك و جوزك و مش عارفة ايه
تيجي تقولي يا *** تعالي شوفي المصيبة 
اروح فاتحة عندها و اخلي الولا يطلعها من دماغه خالص
و اطلع انا اللي كخة و وحشة في الاخر ادامه
لاني بدخل اقوله انا اختها الكبيرة
عشان حتى يبقى في رهبة مني كده
و عشان ياخد كلامي بجدية
انا خايفة اختي ما تبقاش معايا في الجنة 
بجد مش عارفة اعمل ايه 
ممكن تساعدوني؟ 
و السلام عليكم و رحمة الله و بركاته
وان شاء الله تكون سوا فى الجنه وفى الدنيا
وان شاء الله ربنا يصلح لها حالها