قمر الدين للاطفال سهل ومغذى من مطبخى وبالصور قمر الدين المغذى للاطفال من مطبخى
السلام عليكم ورحمة الله وبركاته
انهارده ميعادنا مع صنف جديد جميل ومغذى للاطفال وللكبار كمان انا بسميه قمر الدين بالجزر والبرتقال
بينا عالمطبخ نشوف المقادير
المقادير
1.5 ك برتقال بلدى
1ك جزر
4 كيس فانيليا
1/4 ك نشا
1/2 ك سكر او حسب الرغبه
مكسرات وجوز هند
الطريقه
نقطع الجزر حلقات ونسلقه فى كميه كويسه من الميه بحيث الميه ثلثين حجم الجزر فى الحله ونحط معاهم قشرة نص برتقاله صحيحه مش مبشوره
هناخد الجزر بعد ما يتسلق وهنرمى قشرة البرتقاله ونسيبه يبرد شويه وبعدين عالخلاط زى كده
هنضرب الجزر كويس جداااااااااااااا ونكون عصرنا البرتقال بالشكل ده
هنحط الجزر والبرتقال والسكر والفانيليا على بعض ونرفع عالنار بالشكل ده
ومع بداية الغليان هندوب النشا كويس جداااااااااااااااااااا فى ربع كوب ماء وهنحطه على قمر الدين مع التقليب المستمر عشان نتفادى انه يكلكع
هنسيبه يغلى غلوتين ونطفى ونحطه فى الاطباق وعليه جوز هند او اى مكسرات عندك وده شكله النهائى
الميزه بقى فى الطبق ده انه بيعطى للجسم مناعه وكمان فيتامين سى اللى موجود فى البرتقان
وكمان فيتامين أ اللى فى الجزر وطبعا فيتامينات تانيه كتير جدا ده غير ان طعمه جميل جدا جدا
جربوه وان شاء الله يعجبكو وعلى ضمانتى ان شاء الله
تحياتى لكم
