كيكية الشوكلاه بصوص الشوكلاه بالتوفي 2024

اخواتي العزيزات

جايبلكو وصفة كيكة الشوكلاه الفخمة طبعا دي وصفة خاصة لعشاق الشوكلاه ((وانا منهم طبعا))

طريقة سهلة وسريعة وحاجة تشرف بجد لو عندك ضيوف

نبدأ بسم الله

في الخلاط (( الكأس العادي))

1 كوب زيت ذرة (الافضل ذرة لأن اي نوع تاني ممكن يبقى ليه ريحة)
1/2 1 كوب سكر بودرة
1/4 كوب حليب سائل
1 ملعقة صغيرة ممسوحة قرفة مطحونة
5 ملاعق طعام كاكاو خام

نضربهم حوالي 10 دقائق لحد مايتكون عندنا صوص شبه تخين صوص.jpg وده شكله

نسيب تقريبا ربع كمية الصوص في الخلاط والتلات ارباع نشيلهم على جنب

الصوص اللي في الخلاط نضيف عليه

3 بيضات
1 كوب حليب سائل
1/2 1 ملعقة Baking powder
2-3 كوب دقيق ابيض منخول
2 ملعقة كاكاو خام تاني
1/2 كوب سكر بودرة

تخلط جميع المقادير في الخلاط على السرعه الهادئة ثم تخبز على درجة 120 لمدة تتراوح مابين 40-45 دقيقة
وده هيبقى شكلهابعد الخبز.jpg
المرحلة التالية مرحلة الصوص تاني اللي شيلناه على جنب
p1010819.jpg

نضيف عليه 1 ملعقة زبدة (غير مملحة طبعا) ذائبة عشان تدي الصوص لمعة+ 2/1 ملعقة قرفة مطحونة تاني

الكيكة بعد ماتبرد

نغطيها بصوص الشوكلاته

وللتزيين: نقطع توفي (من اللي بياكلوه الولاد ماركة البقرة اي اي نوع تاني)

نكسر التوفيايه ال 3-4 اجزاء ونزين بيها الكيكة زي ماواضح في الصورة

الشكل النهائي.jpg

يارب تنول اعجابك وتشرفك اودام ضيوفك

تسلم ايدك

شكرا ع الوصفه

تسلم ايدك ياقمر
جميلة جدااااااا

يسلمووووووووووووووو
وعاشت ايدينك يامبدعة

باين عليه توحفه حعمله بكره وقلك عليه طلعة ازي
استني ردي بكره علشان شكله جنان يا عسل