السلام عليكم ورحمة الله وبركاته
طبعا كل البنات وكل الحريم بيهتموا بالفم
سواء من ناحية جمال الأسنان ونظافتها
وبيدوروا على كل حلو يخص جمال الفم
ونظافته
خصوصا الواحدة لو كانت عروسة أكتر شيء
بتشيل همه هو ريحتة فمها لأن معظم الرجال
بصراحة نادرا مايعانوا من ريحة الفم يعني
تلاقي الواحد مش مهتم بنفسه أبدا لكن
سبحان الله مفيش له ريحة أبدا
مش عارفة ايه السر؟
المهم ياحبيباتي انا مرة قرأت بمدونة ما
واحده اردنيه الله يسعدها بتقول انها هي
وأهلها معتمدين على هذا الغسول طول
غمرهم
و أنا ماصدقت الخبر وقولت أجرب طبعا أنا
معروفه في العائله بأني فار التجارب لأي
خلطه أو أي حاجه بيكونوا متخوفين منها
هههههههه
المهم جربت الغسول والله والله والله أنا
أنبهرت بالنتيجة حتى أننى ودعت الصيدليات
وبطلت اشتري غسول للفم
و الغسول ده طبيعي ومش مكلف أبدا أبدا
و متوفر فى كل بيت
وهو عبارة عن:
كوبيتن مية + 3 ملاعق شبه مطحونه +ملعقتين قرنفل مطحون
اخلطيهم وحطيهم فى علبه غسول عندك
وخليها فى الحمام الله يعزكم
وكل ماتنظفيأسنانك تمضمضي بالغسول
وشوفي النظافة والانتعاش
بسرعه ياحلوين جربوا واللي تجرب كفاية
تدعيلي ان ربنا ينولنى مرادي ويعوضني
بفرحة تنسيني كل همومي
لاتنسوا التقييمـ
وانشاء الله اجربها