جلاش بالكريم شانتيه
1-اول شئ نستخدم عصا او اي حاجة خشب او بلاستيك المهم مدورة زي كده ونضع المكسرات المفرومةعل طرفها زي الصورة
ونلفه علي العصا كده
وباستخدام اليد نضغط عليه من الجوانب او نكشكشه بخفة ايد زي الصورة ونرصه في صينيه بس تكون صغيرة مقاس الجلاش كده
ونسقيه سمن او زبدة بس نزود عشان يبقي هش وممكن بعد كده نصفي السمن الزايد ونسخن الفرن ونسويه علي 200 درجة حوالي ربع ساعة او لما يصبح ذهبي اللون
ثم نسقيه بشربات بارد امممممم ةممكن يقدم سادة كده
او ندلعه ونحشيه كريم شانتيه واسهل طرية نجهز الكريم ونضعه في كيس ونقص الطرف ونحشيه من الداخل كده
ونزين اطرافه بفستق او مكسرات ونقدمه بالف هنا وعافية
وده شكله سادة هش ومقرمش وجميل
جلاش بحشوة الكاسترد
المقادير
لفة جلاش
قليل من الزيت
مقدار من الكاسترد
سكر بودرة
الطريقة
نقوم بقطع ربع لفة الجلاش تقريبا و نحفظ الباقي في الفريزر لاستخدامات اخرى
تدهن كل ورقة من اللفة بالقليل من الزيت
توضع على طرف الورقة كمية من الكاسترد و تلف
ترص اللفات في صينية خبز مغطاه بورق الزبدة
تخبز في فرن متوسط الحرارة لمدة 20 – 30 دقيقة و ترش بسكر البودرة فور اخراجها و تقدم
جلاش عش البلبل
المقادير
لفة جلاش يعنى حوالى نصف كيلو
سمنة سايحة
سيرب
كريم شانتيه
كريز للتزيين او حسب الرغبة
الطريقة
هنجيب ورقة الجلاش ونقسمها بالطول
ونجيب اى حاجة عندنا زى قلم طويل مثلا او عصاية خشب رفيعه ونلف عليه ورقة الجلاش بس مش لغاية الاخر نسيب الجزء عشان ده اللى هيكون القاعدة بتاعتنا اللى هنحط عليها الكريم شانتيه
ونكشكشها بإيدينا
ونسحب القلم منها وأول مانسحبه نلفها على شكل دايرة ونخلى الجزء اللى تركنا من الورقة تحت مش حول الدايرة
ونرصها فى صينيه لما نخلص وندهنها بالسمنة
وندخلها الفرن واول ماتطلع نسقيها بالسيرب وده شكلها لما طلعت وسقتها سيرب
ونسيبها تبرد شوية ونعمل فيها وردة بالكريم شانتيه وممكن على فكرة بدل الكريم شانتيه نحط كريمة لبانى او قشدة يعنى الحشو والتزيين ده طبعا حسب الرغبة وكمان فيه ملحوظة مهمة لازم الجلاش يكون طازج وحتى لما يكون طازج لما تيجى تكشكشى الورقة وتلفيها هتتكسر منك فالحل انك تجيبى فوطة مندية يعنى مبلولة ميه ومعصورة كويس اوى تحطيها على الورقة اللى عليها الدور تلفيها كده هتبقى طرية معاكى وبتتشكل من غير ماتتكسر وده شكل الطبق النهائى
الجلاش الحلو
المكونات
جلاش – سمنة او زبدة سايحة – شربات
للحشو
علبة قشطة – نص كيلو لبن – معلقتين نشا – معلقة سكر
مكسرات مفرومة مع شوية شربات
نجهز حشوة الكريمة
نحط اللبن في حلة مع النشا والسكر وبعدين على النار ونقلب لحد ما يتخن وبعدين نحطهم في طبق..
وهو لسة سخن نحط عليهم علبة القشطة
ونقلب لحد ما تبقى كريمي
وكدا جهزو الحشوات
الشربات
2 كوب سكر – 1كوب ماء – نقطتين لمون
الطريقة
نحط السكر والمية على النار ونسيبهم يغلو شوية ونحط اللمون ونطفي.
طريقة الجلاش
نفتح الجلاش ونفردو نغطي ببلاستيك او فوطة نضيفة لانوا بينشف بسرعة ويكسر ناخد طبقة وندهنها بفرشة بالسمنة ونحط كمان وحده وندهنها كمان وكمان طبقة يعني 3 طبقات بالشكل
ونحط حشوة الكريمة بالطول
ونلفها ونشد كويس واحنا بنلف علشان ما تفكش..
ونقطعها بسيكنه حامية قطع متساوية ونكرر نفس الحكاية مع المكسرات
ونرصم في صينية وندهن وشهم كويس
ويدخلو الفرن لحد ما يتحمروا من تحت وبعدين نحمرهم من فوق ونطلهم وهم سخنين نحط الشربات البارد عليهم ونقدمهم.
