اولا احتياجات المطبخ المهمة للعروسة
( ملاحظة مهمة جداااا لكل عروسة ) يا ريت متشتريش كميات من احتياجات المطبخ بدون لازمة بمعنى انك حاولى تنتقى الحاجات اللى هتشتريها تكون شيك و غالية و قيمة لأن مثلا طقم تيفال اصلى هيعيش معاكى اكتر و يكون اشيك من كذا طقم رخيص وبراضوا نفس الموضوع فى اى حاجة زى معالاق الخشب يكون جامد و نوعه غالى هيعيش اكتر و هيتحمل معاكى و نفس الكلام فى كل شئ صدقينى الغالى تمنه فيه و مش بالكميات لا صدقينى بقيمة الشئ و هيعيش معاكى و هيتحمل معاكى كتيرررررر
2- طقم صوانى تيفال مقاسات مدور ومستطيل/ طقم صوانى سيراميك او زجاج بيركس
3- طقم غرف / طقم ملاعق حشب / طقم ملاعق استخدام المطبخ / طقم سكاكين / طقم صينى صغير للمطبقيه
4-طقم صوانى تقديم / مجموعه من الشفاشق زجاج او بلاستيك ( حسب امكانيات العروس )
5- طقم مصافى استانليس او بلاستيك / مصافى للمكرونه برجلين / طقم طاسات للقليه احجام مختلفه
تيفال او المونيوم /
6- طقم توابل كامل شكل واحد او تقدرى تقسميهم اشكال و الوان حسب ذوقك انتى يعنى تكون اطقم مختلفة
7- لبانه مقاسات تيفال او سيراميك / براد او كاتيل كهرباء استانليس او سيراميك ا و تيفال /
8-كنك قهوة احجام تيفال او استانليس /
9/اورمه كبيرة وصغيرة تكون خسب مجلفن او صاج مجلفن /
10-علب احجام حفظ الاكل للثلاجه ممكن يكون صاج او بلاستيك او زجاج
11- 2 طقم قهوة شكلين مختلفين / طقم شاى / طقم اكواب ماء مقاسات / علاقات للقهوة و الشاى تكون
عالرخامة تحت ايديك على طول / طقم مج شربة حجم صغير / طقم مج شرب حسب ذوقك
12-( مبشرة/مخرطه ملوخيه/مقاور/ زباله (سله مهملات)/ طبق تقديم للفاكهة / 2 شياطه / ساعه للمطبخ
. طقم مقصات / سله البصل والبطاطس ( التربو)/ ولاعه للبوتجاز / ترمس / مساكات ومريله مطبخ وجوانتيات /
13- اطقم شوك فردانى ومعالق احجام للاستعمالات اليويمة / ورق فويل وبلاستيك / مناديل مطبخ/
( اطقم سلاطين مختلفة سواء فخار للارز بلبن او او على او الارز المعمر / 2طقم كاسات جيلى و ايس كريم )
14-مجموعة اطباق بلاستيك لغسيل الخضار و الفاكهة / شمعدان للمطبخ +شمع / اكياس زبالة / مفارش لفرش المطبخ
( حسب ذوقك و يكون نوع جامد يتحمل / فوط مطبخ اشكال و الوان تكون قطن / باسكت زبالة صغير جنب ايديك للحوض
( لبف للمواعين و سائل نوع جيد / سلك المواعين / سلاكة حوض / اقماع احجام / زجاجات لمياه الشرب زجاج
مبخرة + الفحم سريع الاشتعال / مروحة المطبخ /
حاولى تخصيص مكان فى المطبخ للخزين و يكون له مفتاح خاص بيه عشان محدش غريب يعرف ايه عندك
من الخزين ده جزء خاص بيكى لوحدك و حاولى وضع كل شئ فى مكان حسب احتياجك ليه يكون قريب منك
ويا ريت يكون فى تصميم المطبخ دولاب بالطول ويكون فى جزء دوالايب صغيرة قريبة للرخامة عشان تحطى فيها الاجهزة الكهربية عشان متتعرضتش للهواء و سخونية المطبخ و تتاثر بيها مع الوقت
ويا ريت يكون الحوض ب2 عين ده مهم جدا عشان يسهل لك ويسرع معاكى فى غسيل الاشياء و العين التانية تساعدك برضوا جدا فى المطبخ فى وضع اى مواعين ميبقاش كله على بعضه .
=
ومع الف سلامة حبيباتى و اتمنى الموضوع يعجبكوا و متنسوش تقيمونى بقى وانتوا وذوقكوا وانا عارفة انكوا عندكوا ذوق جدا ربنا ميحرمنيش منكوا يا عدولاتى
