اولا وحشتوووووونى ووحشتنى الكتابه ليكم
وعلى بركة الله ابدأ فى روايتى الجديده
تابعونى
هند والدكتور رمضان
الفصل الاول
المشهد الاول ام سعد سيده فى العقد الخامس من عمرها تعمل فى منزل الدكتور رمضان منذ زمن طويل
وهو منزلا واسعا الى حد كبير به ثلاث غرف كبيره وصاله كبيره ايضا ومطبخ جميل يطل على الحديقه الخلفيه للعماره اما الغرفه الاولى فهيا غرفة نوم الدكتور رمضان بها بلكون واسع يطل على الشارع والثانيه فهيا غرفة المكتب الخاصه جدا التى لا يجرؤ احدا على دخولها سوى د. رمضان وام سعد حينما ترتبها اما الغرفه الثالثه فهيا غرفة الدكتور احمد ولده بها شباك كبير وهيا غرفه مغلقه منذ ان تزوج وتفتح فقط حينما يأتى لزيارة والده
ام سعد / د. رمضان الغدا جاهز اتفضل….
د/رمضان قام من مجلسه من دون ان ينطق اتجه ناحية السفره وجلس يتناول الغداء .
وفى المطبخ كانت ام سعد تتكلم مع ولدها الذى تسلم عمله بالامس مع د/رمضان… كسائق له بديلا للعم مصطفى حيث تقاعد لكبر سنه
ام سعد / وهو ده دكتور رمضان قليل جدا فى كلامه وكل فين وفين على ما ينطق حتى كان مع المرحومه مراته الف رحمه ونور تنزل عليها كده مع انها كانت مختلفه عنه فى كل حاجه كانت بتحب تهزر وتضحك وتتكلم مع طوب الارض وكل الناس كانو بيحبوها اوى يااااااااااااه …. الف رحمه ونور تنزل عليكى يا دكتوره ساميه .
سعد/ طب يا امى انا عارف انه مخلف ولد هو فين دلوقتى ؟
ام سعد / اه انت تقصد سى الدكتور احمد ماهو سافر بعد ما اتخرج من الجامعه لامريكا وخد من هناك الدكتوراه وكانت معاه مراته اللى كانت زميلته فى الكليه مدام ريهام وعندهم بنت دلوقتى بسم الله ما شاء الله عليها زى العسل اسمها هند .
يااااااااه ادى حال الدنيا هو يخلف ويربى وفى الاخر يسيبوه قاعد لوحده كده ياحبة عينى
وفجأه تذكرت ام سعد فنجان القهوه الذى يتناوله د . رمضان فى هذا الوقت
ام سعد / يااااااادى النيله الكلام خدنا ونسيت ميعاد القهوه
نظر سعد لامه بأستغراب وقال/ميعاد القهوه مش لما يخلص غدا الاول؟
ام سعد/ بقولك ايه ياسعد يابنى انت لازم تعرف ان الدكتور رمضان عنده كل حاجه بالمواعيد ويحب النظام واحترام المواعيد زى عينه اه …..انا بقولك اهو عشان تعرف طبعه انت هيتهيألك فى الاول انه قاسى وجامد بس مع الوقت هتلاقيه انسان طيب اوى بس التزم انت معاه وهيحبك ويتمسك بيك اومال هو ماسك فيا ليه عشان عرفت طبعه وماشيه معاه زى الساعه .
كانت ام سعد وقتها قد فرغت من اعداد القهوه وذهبت بها الى غرفة المكتب ووضعتها فى مكانها المعتاد على مكتب الدكتور رمضان وخرجت لتقيم السفره.
اما سعد فكان مندهشا جدا وظل محاصرا لوالدته بالاسئله
سعد/ هو يا امى الدكتور رمضان ليه مش بياكل لحوم واسماك وطيور وحاجات من بتاعة الناس الاغنيا دول ؟
ام سعد/ لا يابنى لحوم ايه الدكتور رمضان نباتى من يومه وميحبش اى اكل فيه سمن او زبده او الكلام ده ……كل اكله صحى وبزيت الزيتون وكمان ميحبش الحلويات والتورتات ولا الشيكولاته لا بالعكس بيكرهها جدا ولما بيحب يحلى بياكل فواكه وطبعا كله بمواعيد يعنى كل يوم من ايام الاسبوع ليه اكل معين زى الجدول كده ماشيين عليه من يجى 30 سنه اصلى انا بشتغل هنا من زمان من ساعة ما خلفو الدكتور احمد ربنا يطول فى عمره
سعد/ ايوه فعلا يا امى انا فاكر انك كنتى بتحبى احمد اوى
ام سعد/ اه والله يابنى ده احمد ده ربنا يطول فى عمره ويديله الصحه زى العسل نسخه من امه الله يرحمها فى طبعها وكل الناس بيحبوه اوى
و…………….
قاطعهم دكتور رمضان وهو يقول ……انا خارج يا ام سعد
ام سعد/مع الف سلامه يا دكتور
وبصوت خافت قالت لولدها/ انزل يابنى بسرعه من السلم الخلفى لازم تبقى عند باب العربيه قبله
وبالفعل جرى سعد بسرعه ونزل ووقف عند باب السياره ينتظر د.رمضان
كانت الساعه وقتها تشير الى الخامسه تماما
وفى السياره…..
سعد/ على فين يا دكتور ان شاء الله؟
د.رمضان / على نادى المثقفين اللى على كورنيش النيل عارفه؟
سعد/ طبعا يا دكتور
د.رمضان/ طيب كويس عشان ده ميعاد كل يوم انزل فيه النادى وبرجع من هناك الساعه 7.30 يعنى تكون عندى كل يوم فى الوقت ده عشان ترجعنى البيت مفهوم..!
سعد/ مفهوم مفهوم يا دكتور ان شاء الله هبقى عند حسن ظنك .
د.رمضان/ اتمنى ذلك.
وصلت السياره الى نادى المثقفين حيث دخل د.رمضان
وعند السابعه والنصف تماما كان سعد يقف منتظرا د.رمضان الذى حضر فى ميعاده دون اى تأخير.
انطلق سعد بالسياره حيث اخذ يفكر فى حياة د.رمضان التى تكاد ان نقول عنها ماشيه بالساعه والدقيقه والثانيه اخذ يفكر ويقول فى نفسه ياترى حياة د.رمضان اللى كل حاجه فيها تقريبا صح ونسبة الخطأ فيها شبه منعدمه ياترى الحياه المثاليه دى حلوه وجميله ولا لازم يكون فى بعض الجنون والضحك والخروجات والفسح
ظل سعد يفكر ويفكر الى ان وصلو الى منزل د.رمضان صعد معه حاملا شنطته التى كان لديه فضولا ليعرف ماذا يوجد فى هذه الشنطه …..وما علاقتها بالنادى وتذكر كلمة والدته حينما قالت له (( الشنطه دى تحافظ عليها زى عينك عشان دى زى كنز بالنسبه للدكتور رمضان ويوميا لازم تكون معاه فى النادى)) .
لو عايزين تعرفو سر الشنطه
انتظروووووووونى
مبارك يا غالية الرواية الجديدة شكلها يشد
واكتر حاجة عجبتنى نباتى من يومه هههههههههههه
فى انتظارك يا ست الكل
تسلم ايديكِ يارب
ومتابعة معاكي ان شاء الله
بس مش حكون موجودة الاربع ايام القادمة لاني حسافر
واول ما ارجع ان شاء الله حتلاقيني موجودة معاكي فصل بفصل
تسلمي يا قمر
ومتابعة معاكي ان شاء الله
ياروح قلبي الرواية الجديدة ايوا كده ياعم
فرحينا عوزين نقراء ابداعاتك ياروبي
انا مستنية الفصل الثاني يسلمووو
