مقادير الطبق الاول
شوربة الخرشوف
:4 قلب خرشوفة _بصلة_كرفس_ملح_فلفل_2ونص كوب شوربة فراخ او لحمة_معلقة سمنة_نص كوب لبن
( الطريقة:ننضف قلب الخرشوف كويس ونقطعة على اربع مكعبات ونقطع الكرفس والبصل ونشوحهم فى السمنة ؛نحط الشوربة ونحط الخضار على النار لحد مايستوى؛نصفى الشوربة فى عصارة الخضروات او نضربهم فى الخلاط ونحط اللبن ونحطة تانى على النار ونتبلة ونقدمة سخن.
الطبق التانى
الكوردن بلو
ومقاديرة هى:فراخ مخلية حسب العدد_كوب ونص دقيق+معلقتين نشا_كوب ونص بقسماط+ملح وفلفل_2بيضة مضروبين بالشوكة_جبنة شيدر او مزريلا _زيتون اسود او اخضر الطريقة:نفتح الفراخ بالطول من غير ما نفصلها,وندقها لحد ما ترفعبين ورق بلاستيك,نتبلها بالملح والفلفل,ونحط شريحة جبنة وشوية زتون ونقفل الفراخ زى السانويتش وممكن نستعمل الخلة, نغمس الفراخ فى الدقيق وبدين البيض وبعدها البقسماط ,ونحطة نص ساعة فى التلاجة وعدين نحمرالفراخ السلاطة :سلطة الزبادى بالخيار:المقادير:كوبية زبادى _2خيارة _معلقة بقدونس مفروم_فصين توممفرومين_ملح _فلفل بس بسيط خالص الطريقة :نقشر الخيار ونقطعة صغير ونرش علية ملح ونحطة فى مصفاة_ نحط التوم والفلفل للزبادى ونضربهم بالشوكة _نحط الخيار المملح للزبادى ونرش عليه البقدونس ونقدمه الطبق التالت رز ابيض او مكرونة ودول مافيش اسهل منهم الحلو بقى خليه فاكهه لأن ايدى وجعتنى من الكتابة اوعو تنسوا الدعوة الحلوة ومعاها التقييم .