المواد اللازمة
نحتاج مبدئيا 3 طبب من خيوط الصوف متوسطة السمك 50 غرام " المدس يلزم اقل من 3 طبب"
وانا اسخدمت خيط اورمو الاكرليك التركية
بالاضافة الى سنارة يفضل انها تكون الومنيوم وسط الى ثخين
نحتاج الى لونين اخرين لعمل الورد و الاوراق و يلزم 30 الى 50 غرام تقريبا من اللون المخصص للورد و 20 غرام من اللون المخصص للورق
ويا ريت تختاريهم من صوف رفيع او خيط صيفي حتى يكون حنون لانه قريب من وجه الطفل وليكون سهل التشكيل و انا اخترت هذه الالوان
الزهر من هذه المجموعة
وهو تركي ايضا نوع اورمو
وهذه الاخضر التفاحي الفاتح
لان المدس كله طريقة عمله ع بعضه بالضبط مثل القبعة " الطاقية"
نحنا بنعرف حتى نبدا نعمل اي طاقية لازم نشتغلها ع خطوتين
الخطوة الأولى الزيادة المستمرة حتى نوصل لطول القطر المطلوب يلي حيعطينا محيط الطاقية الصحيح
الخطوة الثانية التوقف عن الزيادة و تثبيت عدد الغرز وبهيك بيتحول شكل العمل من مجرد دائرة الى قبعة بسبب صعود الحواف
الطاقية يلي بدا نعملها اما حتكون بالمقاسات التالية
0-3 اشهر : محيط الطاقية 35.5 سم لذا حنعمل دائرة بالزيادة يصل قطرها الى 11.5 سم تقريبا ثم نثبت الغرز
3-6 اشهر: محيط الطاقية 41 سم لذا حنعمل دائرة يصل قطرها الى 13سم ثم نثبت عدد الغرز
طبعا القطر هو الخط المار من اول الدائرة الى اخرها مرورا بالمنتصف
للتوضيح حنبدأ العمل بالصور علما بان المقاس هنا لطفل عمرة من صفر الى ثلاث اشهر
راح نستخدم غرزة نصف العامود " البرايد"
وهاي صورتها يا عسولات
نبدأ بخمس سلالس ونغلقها بمنزلقة لنحصل على حلقة صغيرة
نصعد 2 سلسلة و نعمل في داخل الحلقة 7 غرز نصف عمود اضافية
العدد الكلي للاعمدة 8 اعمدة
نغلق بمنزلقة
لا تمسحي شاشتك السكنر تاعي مغبر من جوا ما في مجال لمسحه للاسف
الان راح نبدا نزود مثل ما تفقنا لنصل الى قطر 11.5 سم
لذا السطر الثاني نضع غرزتين في كل غرزة " عدد الغرز 16 غرزة" نغلق بمنزلقة
نكمل الزيادة
غرزة غرزتين غرزة غرزتين للاخير و نغلق بمنزلقة
السطر الرابع
غرزة غرزة غرزتين " لاحظي كانك كل سطر عم بتزيد عدد ثابت من الغرز 8 غرز بس يختلف توزيعها "
السطر الخامس
غرزة غرزة غرزة غرزتين و نكرر نغلق بمنزلقة
السطر السادس
غرزة غرزة غرزة غرزة غرزتين
نكرر و نغلق بمنزلقة
السطر السابع
غرزة غرزة غرزة غرزة غرزة غرزتين نكرر و نغلق بمنزلقة
" عم نعمل ازاحة بسيطة بمقدار غرزة لمكان الزيادة في كل سطر وهذا المبدا الاساسي في عمل الدائرة"
الان وصل عندي القطر الى 11.5 ازود شوي ،اذا راح اوقف الزيادة واثبت عدد الغرز
ممكن انت تستمري بالزيادة او توقفي قبلي بسطر او سطرين اعتمادا على نوع الخيوط المستخدمة عشان هيك يفضل تقيسي القطر كل سطر يا عسل و توقفي ع المقاس المناسب وزي ما قلنا فوق اذا تبغين مقاس 3-6 اشهر القطر لازم يكون 13 سم
راح نعمل تعديل ع الغزة وراح نشتغل نصف عمود سلسلة نصف عمود سلسلة " طبعا غرزة بنشتغل فيها وغرزة بنفشقها " و نغلق بمنزلقة
حنكمل لنوصل للعمق المطلوب يا حلوين
لعمل المدس نبدا مثل الطاقية بخطوة الزيادة لعمل الدائرة ثم تثبيت الغرز
مقاس مدس لعمر 0-3 اشهر يكون العرض 50 سم
و الطول ما بين 45-50 سم
اما مقاس مدس عمر 3-6 شهر يكون العرض 55 سم
و الطول ما بين 50-55 سم
لعمل مدس محيطه 50 سم لا بد من زيادة في عمل الدائرة قبل تثبيت عدد الغرز ليصل طول القطر 16سم
اما لعمل مدس محيطه 55 سم يجب ان يكون قطر الدائرة تقريبا 17.5سم
وانا يا بنات اذكر المقاسات للضرورة لانه مو كلنا بنستخدم نفس نوع الخيوط لكن كلنا عنا نفس المسطرة ^_^
خمس سلاسل تغلق بمنزلقة
نضع في الحلقة 10 غرز نصف العمود " عادة ما ابدا ب 10 غرز لمقاس ال0-3 اشهر و 12 غرزة لمقاس 3-6 اشهر"
في كل غرزة غرتين نصف العمود
غرزة غرزتين غرزة غرزتين نكرر
غرزة غرزة غرزتين غرزة غرزة غرزتين " بالضبط مثل مبدا عمل الطاقية"
نستمر بالزيادة على نفس مبدا الطاقية حتى يصل القطر الى 16 سم
ثم ننقل الى النمط الجديد نصف عامود سلسلة نصف عمود تذكري انك بتتركي غرزة مكان السلسلة
لاحظي كيف الشغل بدا في الارتفاع
نستمر على نفس النمط
وهكذا حتى نصل الارتفاع المطلوب " 45-50 سم"
الوردة يلي بنعملها مثل ما بدك طبعا وانت وذوقك يا عسل
انا راح ارفق طرق وافكار مختلفة لعمل الفل وانت حرة في خياراتك واذا في حد ما فهم الطريقة بشرحها بخيوطي يا حلوين
