ازيكو يا حلوين
عملت النهاردة اكلة كباب وكفتة والله بدون مبالغة زي الجاهزة بالظبط
اولا الكباب
المكونات
نص كيلو لحم
مقطع مكعبات متوسطة
بصلتين متوسطين ولو صغير 4
فصين توم
ورق لورا وحبهان
معلقتين خل ابيض
ملح وفلفل ونص معلقة صغيرة بهار مشكل
الطريقة
سهل جدا هنفرم البصل والتوم مع الحبهان وورقة اللورا
هنحطهم في طبق غويط وعليهم البهارات ونعصر اللمونة ونقلب كله
هنغسل اللحم كويس ونغرزه بالسكين عشان يشرب التتبيله
نضيف اللحم عالبصل ونقلب كويس ونغطيه ونسيبه 5 او 6 ساعات
نفرش صنية مدهونة بورقة فويل ونحط فيها اللحمة بتوابلها
ونقفل الورقة كويس
نغطي الصنية وندخلها فرن 200 تقريبا ساعة
دة بعد ما استوت في ميتها
نيجي لمرحلة التشييش
يعني هنعملها شيش كباب
مش شيشة وحجرين يا معلم هههه
هننشل اللحمة ونحطها في طبق ونقطع بصل صغير وطماطم على اربعة وفلفل اخضر مربعات كبيرة
نشبك اللحم في الاسياخ الخشب بالترتيب (بصلة فلفلة طماطماية وبعدين قطعة لحم وهكذا )
هندخل الاسياخ تحت الشواية 5 ق تحمر
نيجي لمرحلة التدخين
تدخين وتشييش ناقص تقوللنا تحشيش ههههه
ندخنها بفحمة ملهلبة عليها نقطة زيت نكبس عليها بأي غطا كبير عشان الدخان مايروحش
كبسة يا معلمي هههه
منقول