النهاردة حبيباتى العدولات هانعمل كيكة عادية جدااااااااااااا
وبمقاديرك اللى انتى متعودة تعملى بها الكيكة
هاتقولى ايه الجديد يا ام عبد المنعم
هارد واقول هانزينها كده شويه ويبقى تغيير
بعد ماعملت الكيكة المعتادة عملت صوص الشوكلاتة
مقاديره
كوب سكر + كوب زيت + كوب كاكاو +كوب لبن وضربناهم فى الخلاط
وعلى الثلاجة شوية لحد ماخلصت الكيكة وبردت حطيت الصوص وغرقتها
وكان عندى فارماسيلا ملونة وحشو مكسرات وحطيت وبقى شكل الكيكة اتغيرشوية وبقت كده
وكده
وكده
نيجى بقى للهريسة اوالبسبوسة برضة عادية زى ماانتى بتعمليها
بس حبيت احشيها مهلبية بالقشطة
عجنتها وفردت نصها وحشيتها مهلبية بالقشطة وحطيت نصها فى صنية تانية وفردتها وهووووووووووب قلبتها على الصنية
وفردت براحة علشان المهلبية ماتوصلش لطرف الصنية
كنت حاطة الشربات على النار
وحطيت الصنية فى الفرن ولما طلعت هى سخنة والشربات بيغلى تحطيها
وعلشان تعرفى ان البسبوسة ناجحة ولا فاشلة اذا شربت السيرب تعرفى انها ناجحة والعكس لو 
الشر بره وبعيد هههههه
وده كان شكلها
ودى صورة للكيكة والبسبوسة مع بعض
وهنا قطعتهم
اى استفسار تحت امركم ياقمرات
مبروك التكريم
انا جوعاااانه
عاوزه حته بقى
|
تسلمى يافنانة الاحلى مرورك ياقلبى وربنا يبارك فيكى
|
الصنيتين مايغلو عليكى ام حسين وعلى طيارة البحرين
ايه ده بقول شعر ههههههههههههه
