هنعمل بطاطس بالكفتة هي ممكن متكونش طريقة جديدة بس كل واحدة واسلوبها في الاكل
يالا نبدا المقادير بطاطس حسب الرغبة ولحمة مفرومة وبصل وتوم وبهارات وزبدة وطماطم
الاول نقطع البطاطس دواير مش تخينة ولا رفيعة وسط وننقعها في ماية شوية وبعدين نبشر البصل
علي اللحمة ونصبعها او دواير ونجيب صينية ونحط فيها شوية زبدة طبعا هنحط للحمة توابلها وملحها
ونسيب الزبدة تسيح ونحط عليها الكفتة اللي عملنها من شوية نسيبها تتشوح شوية
ونزودها ماية ونسيبها تستوي وبعدين نجيب صينية نحط بصل برضو بس ده بقي
للبطاطس نقطعه حسب ماحنا عايزين صغير او حلقات ونحط زبدة ونشوحه برضو وبعدين نضيف
الطماطم المعصورة ونسيبها تتسبك ووبعد كده نضيف البطاطس ونزودها شوربة او مرقة
ونغطيها لغاية نص تسوية كده قبل ماتدخل في السواه نضيف الكفتة بعد ماتشرب مايتها
ونغطيهم مع بعض لغاية لما البطاطس تكمل بقيت السواه بس كده لو عايزين نضيف فلفل مقطع
ماشي وممكن كمان نحطها شوية في الشواية وبالهنا والشفا طبعا انا بعمل حاجات علي قدي
بس اهو تغيير لو عجبكم متنسوش التقييم ياقمرات اشوفكم يارررب دايما بخير
وساعتها هتبقي ط بطاطس باللحمة المفرومة مش بالكفتة بس برضو حلوة هههههههههه
تسلمي يا قمر