النهاردة معادنا مع وصفة جديدة من وصفاتى
وهى من الوصفات اللي ماما بتحبها جدا
ودى كانت أول تجربة ليا في عمايلها والحمد لله طلعت ظابطة تمااااااااااااام
أول امبارح عملت الشريك بالزبيب وجربت في مقدار صغير يعني نصف كيلو وتانى يوم عملت كيلو ونصف بس طلع جميييييييييييل
المقادير
نصف كيلو دقيق
نصف كوب زيت
نصف كوب سكر خشن
بيضه
م كبيرة خميرة
لبن "حليب"دافىء للعجن ولو فيه لبن رايب ياسلااااااام
ملعقة صغيرة بيكنج بودر
ملعقة صغيرة فانيليا سائلة
زبيب كافى لان العجينة تكون مليئة بالزبيب
..للوجه :_ بيضه بشوية لبن-سكر حبيباته ناعمة ميبقاش بودرةـ فانيليا سائلة
-سمسم
نعجن كل المقادير علي بعض كويس اوى حتي تتكون عجينة لا تلتصق باليد وهاغطي عليها واتركها تخمر
طبعا دي كانت أول مرة فمكنتش مظبطة الزبيب لكن تانى يوم زودته وكان تمام وممكن ماتحطيهوش على فكرة لكن احنا في وصفتنا بنحبه بالزبيب
بنخمر العجينة أربع مرات ده أفضل حاجة ليها
وده لما خمرت العجينة
نبدأ بتشكيله بناخد كورة أكبر شوية من حجم الليمونة الكبيرة ونلفها زى الرول وبعدين نلفها بشكل حلزونى
وده كان الصاج التانى
عملت الضفيرة الثلاثية بتلفي 3 رول وبعدين تضفريها زى ضفيرة بنوتك الحلوة
وبتسبيها تخمر تانى
بعد مابتخمر بتجيبي صفار بيضة أو بيضة كاملة مع قليل من اللبن وفانيليا سائلة ونخفقهم وبالفرشاة ندهن بالراحة الشريك
وبعدين نضع السكر عليه وبعدين السمسم
حطيه بالفرن وتكونى مشغلاه قبلها بنصف ساعة على درجة 160 وحطى الرف في الوسط وخلى بالك لما تحطي الصاج مايتحرقش من تحت حوالى 7 دقايق وبسكينة عريضة وحاولى ترفعى الشريك وشوفي لونه لازم لونه من تحت يبقي كده
تابعونى ياقمرات لسه ماخلصتش
عملت بأشكال تانية زى ماهو موضح بالصور
كمان عملت شكل القلب وعملت ضفيرة ثنائية وقفلتها زي الدايرة
طبعا اللي في القالب اختبريها زي الكيك تمام بخلة أسنان واختبريها في كذا موضع
وقدميها مع أحلى كوباية شاي لضيوفك اللي بتعزيهم
ويارب وصفة اليوم تكون عجبتكم
شكله روعه
الف مبروك التكريم