بسطرمة زى الى بنشتريها غالية من برة معقولة الحكاية بسيطة كدة
اول حاجة نجيب عرق فلتو من وش الفخدة (بس انا استخدمت قطعة لحم عادية قلت اجرب وهى بردة خالية من الدهون)
حطيت عليها ملح وعملت شقوق وحطيت ملح بردة فيها ولفتها وحطيت عليها حاجة تقيلة وسبتها24ساعة
تنزل كل السوائل
بعد24ساعة نغسلها من الملح وننشفها
نيجى لاهم حاجة وهى الخلطة الى حنغلف بيها البسطرمة من برة وهى الى بتقوم بعملية التسوية
وحفظ اللحمة من البكتريا لاننا حنسبها برة التلاجة ف المطبخ
-حلية مطحونة حوالى كوب ونص لكيلو لحمة
-معلقتين كبار ملح -معلقة بابريكا-معلقة كمون -راس توم مهروس
نخلط المكونات مع بعض ونضيف ماء لغاية ما تتكون عجينة لينة لكن متماسكة
بعد كدة نغلف بيها قطعة اللحمة كويس جدا جدا وما نسيب حتة باينة عشان الفطريات والبكتريا متشتغلش وتاكلها مننا
بعد كدة نلفهابقطعة قماش خفيفة ونعلقها ف المطبخ بس مش فى الحر لو حر اوى طلعيها ف مكان تانى وتسبيها بالقماش 5ايام
ويومين تانين من غير القماش
بعد اسبوع هاتيها وقطعيها وطبعا مش حتستخدميها كلها فشيلى الزيادة
بالفريزر عشان مش حتستحمل ف التلاجة كتير
وهنا بعد ماشلت الغلاف الخارجىوشلتها بعلبة
وطبعا اسألكم الدعاء بالستر