بالصور طريقتى فى عمل الجلاش بالجبنة حصرى من البيت المصرى :) 2024

كل عام وأنتم بخير وبعودة ايام رمضان المباركة عليكم بخير .. ايامه جميله وبتجرى جرى ..
تقبل الله من أمة محمد صالح الأعمال ..
اليوم هقدملكم صينية جلاش بالجبنة من مطبخى وبالصور .. وعذراً على رداءة الصور .. ظلمت الجلاش معايا ..ويارب يعجبكم ..

نبطل رغى ونخش فى المفيد ..

* * المقادير ::
لفة جلاش ، 3 طماطم متوسطة الحجم متقطعين قطع صغيرة ، 2 فلفل أخضر متقطع قطع صغيرة ،جبنة رومى ، زيتون أسمر ، زبادى ، بيضه ، بهارات ، لبن .. (( ممكن تضيفى شيدر او موتزريلا حسب الرغبه ياكميله انتى وهى ))

* * شمروا دراعاتكم وطريقة التحضير ::

ندهن الصينيه زيت.. الصور هتشرح نفسها

ببل الجلاش بلبن

الزبادى مع البيضه والبهارات

شكلها بعد ما خرجت من فرن متوسط الحرارة بعد نص ساعه تقريباً ..

مش محروقه والله .
وشكلها من تحت

وهى متقطعه

شكلها من جوا

يارب تجربوها وتعجبكم مميزاتها انها خفيفه وطرية وطعمها جميل بصراحه
وممكن تتسحرى بيها ..

فى أمان الله