اليوم انا جبتلكم وصفة لنه طلاما دخل علينا الصيف
كل الستات والبنات الحلوين هيشتكوا من مشاكل كتير من ضمنها تشقق الركعبين
وان الارجل دايما
متشققة وشكلها مش حلو ودا بيسبب ليهم الاحراج الكبير لما بيلبسوا الاحذية المفتوحة
الطريقة بسيطة جدا
واحنا قاعدين بليل بعد العشا وبنتفرج على التلفزيون
نجيب بانيو صغير ونحط فيه ماية سخنة على قد ما نقدر نستحمل المية ونحط فيها شوية شاور جيل
ونحط رجلينا فيها وننساها ساعة اتنين تلاتة زى ما تحبوا وبعدين لما نشيلها وننشفها
ندعكها بالحجر كويس هيا بتكون رجلينا بايشة من المية بنلاقى الجلد الميت طلع بسهولة اوى ونمسح رجلينا
وبعدين لو عاوزين لون كعب الرجل يبقى بمبى بتجيبى معلقة صغيرة دم غزال وتدوبيها فى معلقة مية تبقى عجينة كدا وتلبسى جوانتى وتدعكى رجلك بيها لمدة دقيقة وبعدين تشطفيها بسرعة كويس هيفضلك اللون الوردى الى تحبيه وبعدين ندهنا مرهم (كارباميد)او بانثينول
ونلبث عليا شراب وننام والصبح شوفى النتيجة اعملى الموضوع دا تلات مران فى الاسبوع
